💢 अकलूज येथे अखिल भारतीय त्रिमूर्ती चषक व वजन गट कुस्ती स्पर्धेचे आयोजन 🟧 प्रथम क्रमांकाचे बक्षिस त्रिमूर्ती केसरी चषक व दोन लाख रुपये, द्वितीय क्रमांकासाठी दिड लाख रुपये, तृतिय क्रमांकासाठी एक लाख रुपये व चतुर्थ क्रमांकासाठी पन्नास हजार रुपयांची रोख बक्षिसे 🟪 सुमारे 750 मल्ल या स्पर्धेत सहभागी होणार 🟦 स्पर्धेत एकूण सुमारे 11 लाखाची रुपयांची रोख बक्षीसे

💢 अकलूज येथे अखिल भारतीय त्रिमूर्ती चषक व वजन गट कुस्ती स्पर्धेचे आयोजन

🟧  प्रथम क्रमांकाचे बक्षिस त्रिमूर्ती केसरी चषक व दोन लाख रुपये, द्वितीय क्रमांकासाठी दिड लाख रुपये, तृतिय क्रमांकासाठी एक लाख रुपये व चतुर्थ क्रमांकासाठी पन्नास हजार रुपयांची रोख बक्षिसे 

🟪 सुमारे  750 मल्ल या स्पर्धेत सहभागी होणार

🟦 स्पर्धेत एकूण सुमारे  11 लाखाची रुपयांची रोख बक्षीसे श

वृत्त एकसत्ता न्यूज 

आकाश भाग्यवंत नायकुडे 

मुंबई दिनांक 7 जानेवारी 2025 :

सहकार महर्षि शंकरराव मोहिते पाटील जयंती समारंभ समिती व प्रताप क्रीडा मंडळ शंकरनगर अकलूज यांच्यावतीने शिवतीर्थ आखाङा शंकरनगर -अकलूज येथे दिनांक 12, 13 व 14 जानेवारी 2025 या कालावधीत अखिल भारतीय त्रिमूर्ती चषक स्पर्धा व वजन गट कुस्ती स्पर्धेचे आयोजन केले  असल्याची माहिती जयंती समारंभ समितीचे अध्यक्ष   मदनसिंह मोहिते पाटील यांनी दिली.

 

सहकार महर्षि  शंकरराव मोहिते पाटील सहकारी साखर कारखान्याच्या कार्यस्थळावर आयोजित केलेल्या पत्रकार परिषदेत मोहिते पाटील यांनी ही माहिती दिली.या वेळी वसंतराव जाधव,  महाराष्ट्र केसरी छोटा रावसाहेब मगर, मंडळाचे उपाध्यक्ष पोपटराव भोसले पाटील, सचिव बिभीषण जाधव, बाळासाहेब सावंत,अरविंद वाघमोडे,उमेश भिंगे, विश्वास शेवते,सतिश शेखर इत्यादी प्रमुख उपस्थित होते.

वसंतराव जाधव म्हणाले,स.म. शंकरराव मोहिते पाटील जयंती समारंभ समितीचे संस्थापक  जयसिंह मोहिते पाटील, प्रताप क्रीडा मंडळाच्या अध्यक्षा कु. स्वरूपारांणी मोहिते पाटील यांच्या मार्गदर्शनाखाली व त्रिमूर्ती कुस्ती स्पर्धेचे स्पर्धा प्रमुख सयाजीराजे मोहिते पाटील यांच्या नेतृत्वाखाली सदरच्या स्पर्धा संपन्न होत आहेत. मदनसिंह मोहिते पाटील पुढे बोलताना म्हणाले,

स्पर्धेचे हे 46 वे वर्ष आहे. स्पर्धेत दिल्ली, हरियाणा, पंजाब, उत्तर प्रदेश, महाराष्ट्र येथील राष्ट्रीय स्तरावरील मल्ल सहभागी होतात. त्रिमूर्ती केसरी कुस्ती स्पर्धेसाठी  खुल्या गटाकरिता प्रथम क्रमांकाचे बक्षिस त्रिमूर्ती केसरी चषक व दोन लाख रुपये, द्वितीय क्रमांकासाठी दिड लाख रुपये, तृतिय क्रमांकासाठी एक लाख रुपये व चतुर्थ क्रमांकासाठी पन्नास हजार रुपयांची रोख बक्षिसे ठेवण्यात आले आहे.  तर वजनी गटासाठी २५ ते  ८५ किलो पर्यंत एकूण १५ गटानुसार विजेत्या व पराजित मल्लांनाही भव्य बक्षीस दिली जातात. याची परंपरा सर्वप्रथम आपले येथील कुस्ती स्पर्धेपासून आपण सुरू केली आहे. या स्पर्धेत एकूण सुमारे  11 लाखाची रोख बक्षीसे असून सुमारे  750 मल्ल या स्पर्धेत सहभागी होतील. दिनांक 12 रोजी सायंकाळी 4 वाजता स्पर्धेला प्रारंभ होणार असून दिनांक 14 रोजी सायंकाळी 5 वाजता स्पर्धेचा बक्षीस समारंभास माजी उपमुख्यमंत्री विजयसिंह मोहिते पाटील यांचेसह प्रमूख  पाहुणे पद्मश्री पुरस्कार, अर्जुन पुरस्कार व रुस्तमेहिंद पुरस्कार प्राप्त नामांकित मल्ल  सतपाल यांच्या हस्ते होणार आहे.                      दि.12 रोजी सकाळी 8 ते दुपारी 2 वाजेपर्यंत मल्लांनी आपली वजने शिवतिर्थ आखाड्यात देण्याचे आवाहनही मंडळाच्या वतीने करण्यात आले  आहे. आभार उपाध्यक्ष पोपटराव भोसले पाटील यांनी मानले.