अभिनंदनात्मक हृदयाचे बोल!
" साहित्यरत्न लोकशाहीर डॉ. अण्णाभाऊ साठे आदर्श पत्रकार पुरस्कार 2026 " मिळाल्यामुळे
आमचे अभिनंदन होत असलेल्या असंख्य बोलक्या प्रतिक्रियांपैकी आमचे सहकारी मित्र आणि
गस्त चे संपादक चांद शेख यांची प्रतिक्रिया आपणा सर्वांच्या माहितीस्तव येथे देत आहोत. संस्थापक संपादक.
आदरणीय श्री. भाग्यवंत लक्ष्मण नायकुडेजी ,
नमस्कार,
"साहित्यरत्न लोकशाहीर डॉ. अण्णाभाऊ साठे आदर्श पत्रकार पुरस्कार २०२६" या मानाच्या पुरस्काराने आपण गौरविण्यात आल्याची बातमी अत्यंत आनंददायी आणि अभिमानास्पद आहे.
माळशिरस तालुक्यातील पत्रकारितेला आपल्या निःस्वार्थ, निर्भीड, अभ्यासू आणि लोकाभिमुख लेखणीने आपण एक वेगळी ओळख निर्माण करून दिली आहे. 'साप्ताहिक वैभव' आणि 'वृत्त एकसत्ता' या माध्यमांतून समाजहिताला केंद्रस्थानी ठेवत केलेली आपली पत्रकारिता आज या सन्मानाच्या रूपाने गौरवली गेली आहे. हा पुरस्कार केवळ आपल्या व्यक्तिमत्त्वाचा गौरव नसून, ग्रामीण पत्रकारितेच्या मूल्यांचा आणि प्रामाणिक पत्रकारितेच्या परंपरेचाही सन्मान आहे.
लोकशाहीर अण्णाभाऊ साठे यांच्या नावाने दिला जाणारा हा पुरस्कार आपल्या कार्याची उंची अधोरेखित करणारा आहे. सत्य, न्याय आणि जनसामान्यांच्या प्रश्नांना वाचा फोडण्याचे आपले कार्य येणाऱ्या पिढ्यांसाठी निश्चितच प्रेरणादायी ठरेल.
या मानाच्या पुरस्काराबद्दल मी, ज्येष्ठ पत्रकार चाँद शेख, आपल्या मनःपूर्वक अभिनंदन करीत असून, आपल्या लेखणीचे सामर्थ्य असेच समाजप्रबोधनासाठी अविरत कार्यरत राहो, उत्तरोत्तर अधिक यश, कीर्ती आणि दीर्घायुष्य लाभो, हीच सदिच्छा.
हार्दिक अभिनंदन व मनःपूर्वक शुभेच्छा!
— चाँद शेख
संपादक : गस्त
0 टिप्पण्या