“उधारीवर देश चालवणाऱ्यांनी पेट्रोलच्या किंमतीवर ज्ञान देऊ नये!”

“उधारीवर देश चालवणाऱ्यांनी पेट्रोलच्या किंमतीवर ज्ञान देऊ नये!”

वृत्त एकसत्ता न्यूज 

संकलक : आकाश भाग्यवंत नायकुडे 

अकलूज दिनांक 17/05/2026 :

सध्या देशात पेट्रोल - डिझेलच्या किमतीवरून विरोधकांनी जो आरडाओरडा सुरू केला आहे, तो पाहून 'सौ चूहे खाकर बिल्ली चली हज को' ही म्हण आठवते. आंतरराष्ट्रीय बाजारात कच्चे तेल स्वस्त असताना मोदी सरकारने दर कमी का केले नाहीत, असा सवाल विचारणाऱ्या काँग्रेसने एकदा आरशात स्वतःचे तोंड आणि तिजोरीचा हिशोब नक्की पाहावा.

सत्य असं आहे की, २००५ ते २०१० या काळात तत्कालीन काँग्रेस सरकारने तेल कंपन्यांना पैसे देण्याऐवजी त्यांच्या नावावर १.४८ लाख कोटी रुपयांचे 'ऑइल बॉण्ड्स' फाडले होते. हे म्हणजे हॉटेलमध्ये जेवण करायचं आणि बिल न देता 'माझ्या मागून येणारा माझ्या जेवणाचे पैसे देईल' असं सांगून निघून जायचं! 

आज मोदी सरकारला या कर्जाचे मुद्दल आणि त्यावरचे तब्बल १.७१ लाख कोटी रुपयांचे व्याज भरावे लागत आहे. २०२१ पर्यंतच सरकारने या कर्जापोटी ३.२० लाख कोटी रुपये मोजले आहेत. विरोधकांनो, जनतेच्या पैशावर तुम्ही जी 'उधारी' करून ठेवली होती, ती फेडण्यातच आज देशाचा पैसा जात आहे. ह्या गोष्टी सर्वसामान्य जनतेला माहिती नसतात, याचा फायदा काही अति शहाणे लोक घेतात. 

काँगी विरोधकांना कदाचित स्मृतीभ्रंश झाला असावा, पण जनतेला आठवतंय की २०१४ ते २०१९ या काळात पेट्रोलचे दर ७४ रुपये आणि डिझेल ६४ रुपयांच्या आसपास स्थिर होते. एवढंच काय, काही काळ तर हे दर यापेक्षाही कमी होते. हे शक्य झालं कारण मोदी सरकारने आर्थिक शिस्त पाळली. पण त्यानंतर काय झालं? जगात मोठ्या घडामोडी घडल्या अमेरिकेने इराणवर घातलेले निर्बंध असोत किंवा रशिया - युक्रेन युद्ध; यामुळे जागतिक स्तरावर तेलाचा पुरवठा विस्कळीत झाला आहे. भारताला आपली ऊर्जा सुरक्षा जपण्यासाठी कसरत करावी लागत आहे. 

आता, विषय असा चालू आहे की, ज्यांना स्वतःची उधारी फेडता आली नाही, ते आज अर्थव्यवस्थेवर भाष्य करत आहेत. तेल कंपन्यांचे दिवाळे काढणारे आज किमतीवर गळे काढत आहेत.

विरोधकांनो, तुमची 'पॉलिसी' फक्त निवडणुकांपुरती होती, पण मोदीजींची पॉलिसी 'नेशन फर्स्ट' आहे. म्हणूनच सामान्य जनता म्हणतेय, "देशासाठी थोडा भार सोसू, पण काँग्रेस नको. कारण काँग्रेस ही देशद्रोही शक्तींना ताकद देऊन देशात आरजकता माजवत आहे.

आजची जनता सुजाण आहे. त्यांना ऑइल बॉण्डचं कर्जही समजतंय आणि जागतिक युद्धाचे परिणामही! जनता मोदीजीं सोबत आहे, कारण त्यांना माहिती आहे की मोदीजी 'देश घडवत' आहेत आणि तुम्ही फक्त 'कर्ज वाढवत' होतात. 

नोट : ज्यांनी ज्ञान पाजळत होते ना, की प्रति बॅरल रेट कमी असताना मोदीजी नी रेट कमी नव्हता केला त्यांनी ही पोस्ट वाचावी  आणि शेअर करावी..

प्रकाश गाडे