🟨 "रत्नत्रय" मध्ये माफक फी मध्ये गुणवत्तापूर्ण शिक्षण दिले जाते - प्रमोद अनंतलाल दोशी 🟦 रत्नत्रय शैक्षणिक संकुलात ग्रॅज्युएशन डे संपन्न

 

🟨  "रत्नत्रय" मध्ये माफक फी मध्ये गुणवत्तापूर्ण शिक्षण दिले जाते - प्रमोद अनंतलाल दोशी

🟦 रत्नत्रय शैक्षणिक संकुलात  ग्रॅज्युएशन डे संपन्न 

वृत्त एकसत्ता न्यूज 

आकाश भाग्यवंत नायकुडे 

अकलूज दिनांक 13/04/2026 :   "रत्नत्रय" मध्ये माफक फी मध्ये गुणवत्तापूर्ण शिक्षण दिले जाते. इतर संस्थांच्या तुलनेत रत्नत्रयची फी कमी आहे कारण हा ग्रामीण भाग आहे.असे  संस्थेचे सचिव प्रमोद अनंतलाल दोशी  यांनी म्हटले. 

बुधवारी विद्यार्थ्यांचे वर्षभराच्या शैक्षणिक क्रीडा आणि सांस्कृतिक यशाचे कौतुक करण्यासाठी रत्नत्रय शैक्षणिक संकुलात नर्सरी ते तिसरी सीबीएसई विभागाचा वार्षिक निकाल वाटप व सीनियर केजी च्या विद्यार्थ्यांचा ग्रॅज्युएशन डे साजरा करण्यात आला. यावेळी ते बोलत होते. प्रारंभी उपस्थित मान्यवरांचे हस्ते प्रतिमा पूजन करण्यात आले. मान्यवरांच्या सत्कारानंतर इयत्ता नर्सरी ते तिसरी पर्यंत प्रथम क्रमांक आलेल्या सर्व विद्यार्थ्यांना पाहुण्यांच्या हस्ते ट्रॉफी व प्रशस्तीपत्रक देऊन अभिनंदन करण्यात आले. 

  पुढे बोलताना, "मागील वर्षापासून  संस्थेने सायन्स अकॅडमी स्कॉलरशिप सैनिकी स्कूल नवोदय अकॅडमी सुरू केले आहे व यासाठी तज्ञ स्टाफ सुद्धा आहे. जास्तीत जास्त गुणवत्ता देण्याचा संस्थेचा प्रयत्न असणार आहे" असेही  संस्थेचे सचिव प्रमोद दोशी  यांनी आपल्या मनोगतात सांगितले.

   "आपल्या ताटामध्ये पंचपक्वान्न असतील  पण त्यामध्ये मीठच नसेल तर त्या पदार्थांना चव नसते मीठ हे तर सर्वात कमी किमतीचे असते पण त्याची किंमत खाताना समजते की मीठ हे कमी किमतीचे नसून त्याची किंमत ही अमृता समान आहे त्याचप्रमाणे रत्नत्रयची गुणवत्ता ही मापक फी मध्ये सुद्धा उच्च दर्जाची आहे. त्यामुळे फी कमी याचा अर्थ दर्जा कमी असा होत नाही. इथल्या शिक्षणाची किंमत अमृतासमान आहे." असे प्रतिपादन संस्थेचे संस्थापक अध्यक्ष अनंतलाल रतनचंद दोशी यांनी आपल्या मनोगतात मिठाचे समर्पक उदाहरण देत केले.

 या प्रसंगी  संस्थेचे संचालक रामभाऊ गोफने, चंद्रकांत तोरणे, रामदास कर्णे, तनोज शहा, विलास ननवरे, सुरेश धाईंजे, बहुसंख्य पालक उपस्थित होते. प्रास्ताविक  प्रशालेच्या मुख्याध्यापिका देसाई  तर सूत्रसंचालन फाळके यांनी केले.

========================================