🔰 समर्थ संजय राकले यांची महाराष्ट्र राज्य लोकसेवा मार्फत वर्ग-१ श्रेणीतील पदासाठी निवड 🟡 एमपीएससी स्पर्धा परीक्षेत त्यांच्या संवर्गातून गुणवत्तेनुसार महाराष्ट्र राज्यात तिसरे

🔰 समर्थ संजय राकले यांची महाराष्ट्र राज्य लोकसेवा मार्फत  वर्ग-१ श्रेणीतील पदासाठी निवड

🟡 एमपीएससी स्पर्धा परीक्षेत  त्यांच्या संवर्गातून  गुणवत्तेनुसार  महाराष्ट्र राज्यात  तिसरे 

वृत्त एकसत्ता न्यूज 

आकाश भाग्यवंत नायकुडे, 

मुंबई दिनांक 01/11/2025 : पंचायत समिती माळशिरसचे माजी सभापती कै.श्रीनिवास विठ्ठल राकले यांचे नातू व संजय राकले( श्री शिव पार्वती सार्वजनिक विकास ट्रस्टचे  ट्रस्टी) व ॲड. विजयालक्ष्मी संजय राकले त्यांचे सुपुत्र समर्थ संजय राकले यांची महाराष्ट्र राज्य लोकसेवा आयोग , मुंबई यांच्यातर्फे  वर्ग-१   (क्लास वन) श्रेणीतील पदासाठी गुणवत्तेनुसार निवड झाली आहे. एमपीएससी स्पर्धा परीक्षेत ते त्यांच्या संवर्गातून  महाराष्ट्र राज्यात गुणवत्तेनुसार तिसरे आले आहेत. त्यामुळे ते आता उपजिल्हाधिकारी /सहाय्यक आयुक्त /मुख्याधिकारी नगरपालिका/नगरपरिषद / पोलीस उपअधीक्षक /सहाय्यक पोलीस आयुक्त / सहाय्यक राज्यकर आयुक्त गटविकास अधिकारी सहाय्यक कामगार आयुक्त तसेच शासनाच्या इतर विभागातील सम कक्ष पदावर  नियुक्तीस पात्र झाले आहेत. 

त्यांच्या निवडी बद्दल महाराष्ट्र राज्याचे माजी उपमुख्यमंत्री विजयसिंह मोहिते पाटील, जयसिंह मोहिते पाटील, मदनसिंह मोहिते पाटील,  आमदार रणजितसिंह मोहिते पाटील, खासदार  धैर्यशील मोहिते पाटील व संपूर्ण मोहिते पाटील कुटुंबीयांनी त्यांचे अभिनंदन व कौतुक केले आहे. त्यांचे  यशाबद्दल अकलूज व परिसरातून  त्यांच्यावर अभिनंदनाचा वर्षाव होत आहे. 

नॅशनल युनियन ऑफ बॅकवर्ड एससी एसटी अँड मायनॉरिटी महासंघ नवी दिल्ली अर्थात एन. यु. बी. सी. चे महाराष्ट्र राज्य उपाध्यक्ष, राज्य संपर्क व प्रसिद्धीप्रमुख भाग्यवंत लक्ष्मण नायकुडे (संस्थापक संपादक, साप्ताहिक अकलूज वैभव, पाक्षिक वृत्त एकसत्ता) यांनीही राकले कुटुंबीय प्रमुखांचे भ्रमणध्वनी वरून हार्दिक अभिनंदन करून शुभेच्छा व्यक्त केल्या.