सहकार महर्षि अभियांत्रिकी महाविद्यालयामध्ये भारताचा ७९ वा स्वातंत्र्य दिन मोठ्या उत्साहात संपन्न

 

सहकार महर्षि अभियांत्रिकी महाविद्यालयामध्ये भारताचा ७९ वा स्वातंत्र्य दिन मोठ्या उत्साहात संपन्न

वृत्त एकसत्ता न्यूज 

आकाश भाग्यवंत नायकुडे.

मुंबई दिनांक 16/8/2025 : शंकरनगर-अकलूज येथील सहकार महर्षि शंकरराव मोहिते पाटील इन्स्टिट्यूट ऑफ टेक्नॉलॉजी अँड रिसर्च, या अभियांत्रिकी महाविद्यालयामध्ये दि. १५/८/२०२५ रोजी भारताचा ७९ वा स्वातंत्र्य दिन मोठ्या उत्साहात साजरा करण्यात आला या प्रसंगी संस्थेचे सचिव राजेंद्र चौगुले यांच्या हस्ते ध्वजारोहण करण्यात आले. त्यावेळी त्यांनी संस्थेच्या वाटचालीचा आढावा थोडक्यात सांगितला व देश प्रगतीपथावर नेण्यासाठी कार्यरत रहावे असे सांगितले. स्वातंत्र्य दिन साजरा करते वेळी महाविद्यालयाचे प्राचार्य डॉ. प्रविण ढवळे, महाविद्यालयाचे समन्वयक, कार्यालयीन अधिक्षक, सर्व विभागाचे विभागप्रमुख, शिक्षक, शिक्षकेत्तर कर्मचारी व विद्यार्थी उपस्थित होते. महाविद्यालयाचे प्राचार्य डॉ. प्रविण ढवळे  यांनी कार्यक्रमाचे प्रस्ताविक केले. त्यामध्ये त्यानी महाविद्यालयाच्या प्रगतीची माहिती थोडक्यात सांगितली व सर्वांना स्वातंत्र्य दिनाच्या शुभेच्छा दिल्या.

आपल्या भारत देशाला स्वातंत्र्य मिळवण्यासाठी थोर क्रांतीकारकांनी केलेल्या कार्याची माहिती आजच्या पिढीतील विद्यार्थी कु. मानसी माने व कु. अदिती जगताप यांनी सांगितली. सदर कार्यक्रम यशस्वीरित्या पार पाडण्यासाठी कार्यक्रमाचे समन्वयक म्हणून प्रा. संजय झंजे तसेच सर्व विभागाचे विभाग प्रमुख, शिक्षक व शिक्षकेत्तर कर्मचारी यांनी काम पाहीले. सुत्रसंचालन व आभार प्रदर्शन प्रा. भारती चंदनकर यांनी केले.