श्रावण सोमवार शिवपार्वती मंदिरात महाआरतीचे आयोजन

 

श्रावण सोमवार शिवपार्वती मंदिरात महाआरतीचे आयोजन

वृत्त एकसत्ता न्यूज 

आकाश भाग्यवंत नायकुडे.

मुंबई दिनांक 14/8/2025 : शंकरनगर - अकलूज (तालुका माळशिरस, जिल्हा सोलापूर, महाराष्ट्र राज्य) येथील महाशिवरात्र यात्रा समिती चॅरिटेबल ट्रस्ट शंकरनगर यांच्या वतीने  पवित्र श्रावण मासाच्या समाप्ती निमित्त सोमवार दिनांक 18 ऑगस्ट 2025 रोजी सायंकाळी 7:00 वाजता शंकरनगर येथील श्री शिवपार्वती मंदिरात महाआरतीचे आयोजन केले असल्याची माहिती समितीचे अध्यक्ष जयसिंह मोहिते पाटील यांनी दिली.

श्रावण महिन्यात शिवपार्वती मंदिरात अखंड नामजप सोहळा  सुरू आहे.  याच कालावधीत दिनांक 3 ऑगस्ट ते 6 ऑगस्ट 2025 या चार दिवसांमध्ये शिवलीलामृत ग्रंथ पारायण  पार पडले . या पारायणात पंचक्रोशीतील सुमारे 1,350  महिला सहभागी झाल्या होत्या. 

कु. स्वरूपाराणी जयसिंह मोहिते पाटील यांच्या प्रेरणेने व मार्गदर्शनाखाली महिलांसाठी  नागपंचमी सणानिमीत्त 28 व 29 जुलै 2025 रोजी दोन दिवस सांस्कृतिक वारसा असणाऱ्या विविध पारंपारिक खेळ व उपक्रमाचे आयोजन केले होते. यामध्ये हजारो महिला, मुलींनी पारंपारिक वेशभूषेत सहभागी होऊन पारंपारिक खेळाचा आनंद लुटला. या सणाच्या निमित्ताने ग्रामीण व शहरी भागात दुर्मिळ होत चाललेल्या सांस्कृतिक खेळास व परंपरेस उजाळा मिळाला आहे.

श्रावणात मंदिर परिसरात नेहमीच सर्वधर्मीय  भाविकांची दर्शनासाठी गर्दी राहते. श्रावणाच्या प्रत्येक सोमवारी मंदिरात रुद्राभिषेक, आरती, धार्मिक कार्यक्रम व महाप्रसादाचे वाटप केले जाते. या परिसरात एक भक्तीमय असं वातावरण निर्माण झाले असून भाविकांमध्ये नाविन्यपूर्ण उत्साहाचे वातावरण निर्माण झालेचे दिसून येत आहे 

    श्रावण महिन्यातील शेवटच्या सोमवारी दि.18 ऑगस्ट 2025 रोजी सायंकाळी 7:00 वाजता श्री शिवपार्वती मंदिरात  महाआरतीचे आयोजन केले असून भाविकांनी सहकुटुंब उपस्थित रहाण्याचे आवाहन यात्रा समितीचे अध्यक्ष जयसिंह मोहिते-पाटिल यांनी केले आहे.