वृत्त एकसत्ता न्यूज
आकाश भाग्यवंत नायकुडे
मुंबई दिनांक 23/7/2025 : सहकार महर्षि शंकरराव मोहिते पाटील इन्स्टिट्यूट ऑफ टेक्नॉलॉजी अँड रिसर्च शंकरनगर, अकलूज या अभियांत्रिकी महाविद्यालयामध्ये लोकमान्य बाळ गंगाधर टिळक यांची जयंती उत्साहात साजरी करण्यात आली. यावेळी महाविद्यालय समन्वयक, सर्व विभागाचे विभाग प्रमुख, शिक्षक, शिक्षकेत्तर कर्मचारी व विद्यार्थी उपस्थित होते.
महाविद्यालय समन्वयक पोपट भोसले-पाटील यांचे हस्ते लोकमान्य बाळ गंगाधर टिळक यांच्या प्रतिमेचे पूजन करण्यात आले. कॉम्प्युटर विभागाच्या प्रा. रूक्मिणी संगीतराव यांनी आपले मनोगत व्यक्त करताना सांगितले कि, लोकमान्य बाळ गंगाधर टिळक हे एक महान समाजसुधारक होते. त्यांनी केसरी (मराठी) आणि मराठा (इंग्रजी) हे वृत्तपत्र चालवले. त्यांनी गणेशोत्सव आणि शिवजयंती सार्वजनिक साजरे करण्यास सुरुवात केली, जेणेकरून लोकांमध्ये राष्ट्रभक्ती आणि एकता निर्माण होईल.
कार्यक्रम यशस्वीरित्या पार पाडण्यासाठी समन्वयक व सूत्रसंचालन म्हणून प्रा. भारती चंदनकर व शैलेंद्र फुले यांनी काम पाहीले.
0 टिप्पण्या