सहकार महर्षि अभियांत्रिकी महाविद्यालयामध्ये स्व.रत्नप्रभादेवी शंकरराव मोहिते-पाटील यांची पुण्यतिथी साजरी

सहकार महर्षि अभियांत्रिकी महाविद्यालयामध्ये स्व.रत्नप्रभादेवी  शंकरराव  मोहिते-पाटील  यांची पुण्यतिथी साजरी

वृत्त एकसत्ता न्यूज

आकाश भाग्यवंत नायकुडे, मुंबई.

 दिनांक 28/06/2025 :

अकलूज येथील सहकार महर्षि शंकरराव मोहिते-पाटील इन्स्टिट्यूट ऑफ टेक्नॉलॉजी अँड रिसर्च, शंकरनगर - अकलूज या अभियांत्रिकी महाविद्यालयामध्ये स्व. श्रीमती रत्नप्रभादेवी शंकरराव मोहिते-पाटील यांची पुण्यतिथी साजरी करण्यात आली.

गेस्ट लेक्चरर डॉ. मोहन देशपांडे  यांच्या हस्ते स्व. रत्नप्रभादेवी  शंकरराव  मोहिते-पाटील  यांच्या प्रतिमेचे पूजन करण्यात आले. त्यानंतर  कॉम्प्युटर विभागामधील प्रा. प्रगती पाटील यांनी स्व.रत्नप्रभादेवी  शंकरराव  मोहिते-पाटील यांच्या जीवनकार्याचा थोडक्यात परिचय करुन दिला. त्यानंतर चार्टर्ड अकाउंटंट नितीन कुदळे  यांनी स्व.रत्नप्रभादेवी  शंकरराव  मोहिते-पाटील यांच्या कार्याची माहिती दिली आणि त्यांच्या कार्याची ज्योत कायम आपल्या कामातून तेवत ठेवूया असे सांगितले. कार्यक्रमाचे प्रस्ताविक प्रा. भारती चंदनकर यांनी केले. या कार्यक्रमासाठी प्राचार्य डॉ.प्रविण ढवळे, महाविद्यालयाचे समन्वयक, कार्यालयीन अधीक्षक, सर्व विभागाचे विभागप्रमुख, शिक्षक व शिक्षकेत्तर कर्मचारी व विद्यार्थी उपस्थित होते.  सदर कार्यक्रम यशस्वीरित्या पार पाडण्यासाठी समन्वयक व सूत्रसंचालन म्हणून  प्रा. भारती चंदनकर व शैलेंद्र फुले यांनी काम पाहीले.