वृत्त एकसत्ता न्यूज
आकाश भाग्यवंत नायकुडे
मुंबई दिनांक 27/02/2025 : भारतीय साहित्य वर्तुळातील 'कुसुमाग्रज' म्हणून प्रसिद्ध असलेले प्रख्यात मराठी कवी विष्णू वामन शिरवाडकर यांची जयंती विद्यालयाचे मुख्याध्यापक अमोल फुले यांच्या अध्यक्षतेखाली मोठ्या उत्साहात संपन्न झाली.प्रमुख अतिथी डॉ. विश्वनाथ आवड हे होते.
याप्रसंगी विद्यालयातील विद्यार्थ्यांनी संत ज्ञानेश्वर,संत तुकाराम, वि.वा.शिरवाडकर, छत्रपती शिवाजी महाराज, डॉ. बाबासाहेब आंबेडकर,वासुदेव, राजमाता जिजाऊ, संतकवी मुक्ताबाई, बहिणाबाई, शांता शेळके इत्यादींच्या वेशभूषा साकारल्या होत्या.
मराठी दिनाच्या निमित्ताने विद्यालयाच्या विद्यार्थ्यांची अकलूज परिसरातील मुख्य रस्त्यावरून ग्रंथ दिंडी काढण्यात आली. विविध घोषणा देत, वारकऱ्यांच्या पेहरावात जयघोष करत निघालेल्या दिंडीने सर्वांचे लक्ष वेधून घेतले. यानंतर कार्यक्रमाप्रसंगी सर्वप्रथम विद्यालयातील सयाजीराजे वाद्यवृंदाने मराठी गौरव गीत सादर केले. विद्यार्थ्यांच्या कलागुणांना वाव देण्यासाठी विद्यार्थ्यांच्या सुप्त गुणांना चालना देऊन त्यांनी तयार केलेल्या 'रंगतरंग' या हस्तलिखिताचे प्रकाशन मान्यवरांच्या हस्ते करण्यात आले.
विद्यार्थी भाषणात चि. सुमित खामगळ याने व शिक्षक मनोगतात लक्ष्मी अस्वरे यांनी मराठी दिनाची महती सांगितली. कार्यक्रमाचे प्रमुख अतिथी, प्रसिद्ध व्याख्याते डॉ. विश्वनाथ आवड यांनी मराठी दिनाचे महत्व सांगून भाषेचा इतिहास समृद्ध असल्याचे सांगत सुमारे २२०० वर्ष जुनी असल्याचे पुरावे सापडल्याचे सांगितले. मराठी भाषेचा गौरव विषद करताना विविध बोली भाषेतील दाखले दिले. विद्यार्थ्यांना मार्गदर्शन करताना भाषेचा सन्मान जपण्याचा सल्ला दिला.
या विशेष प्रसंगी विद्यालयातील मराठी विषय शिक्षकांचा सत्कार मान्यवरांच्या शुभहस्ते करण्यात आला.या कार्यक्रमासाठी उपमुख्याध्यापक दत्तात्रय घंटे,उपप्राचार्य झाकीर सय्यद,व्यवसाय विभागाचे उपप्राचार्य भारत शिंदे,सर्व विभागाचे पर्यवेक्षक, सर्व शिक्षक, शिक्षकेतर कर्मचारी व विद्यार्थी उपस्थित होते. कार्यक्रमाचे प्रास्ताविक सुनिता ठोंबरे यांनी केले. सूत्रसंचालन तेजश्री माने तर आभार अंजली कदम यांनी मानले. कार्यक्रम यशस्वी करण्यासाठी मराठी विभागाचे शिक्षकांनी परिश्रम घेतले.
0 टिप्पण्या