वृत्त एकसत्ता न्यूज
आकाश भाग्यवंत नायकुडे
मुंबई दिनांक 17/01/2025 : "उज्जैनकर फाउंडेशनचे शैक्षणिक, सामाजिक व साहित्यिक कार्य उभ्या महाराष्ट्राला सुपरीचित असून हे शिवचरण उज्जैनकर फाउंडेशनचे कार्य नेत्रदीपक आहे" असे गौरवोदगार निवेदक सुधीर गाडगीळ यांनी काढले. संतश्रेष्ठ श्री ज्ञानेश्वर महाराज यांच्या 750 व्या आणि आदिशक्ती संत मुक्ताई यांच्या 745 व्या जयंती महोत्सवी वर्षानिमित्त तिसरे राज्यस्तरीय शिव बाल, किशोर व युवा मराठी साहित्य संमेलन शिवचरण उज्जैनकर फाउंडेशन मुक्ताईनगर ता. मुक्ताईनगर जि. जळगाव आणि महाराष्ट्र राज्य साहित्य व संस्कृती मंडळ, मुंबई यांच्या संयुक्त विद्यमाने देवाची आळंदी येथे संपन्न झाले. संतश्रेष्ठ श्री ज्ञानेश्वर महाराज साहित्य नगरी व जगद्गुरु संत तुकाराम महाराज व्यासपीठ, मोरया मंगल कार्यालय, आळंदी देवाची येथे संपन्न झालेल्या संमेलनाचे उद्घाटक या नात्याने ते व्यासपीठावरून बोलत होते. झुंजार आणि कर्तव्यदक्ष संस्थापक अध्यक्ष डॉ. शिवचरण उज्जैनकर यांच्या कार्याला माझा सलाम आहे असेही ते म्हणाले.
याप्रसंगी श्री ज्ञानेश्वर शिक्षण संस्थेच्या विद्यार्थ्यांनी ढोल पथकासह आदिशक्ती संत मुक्ताई संत ज्ञानेश्वर महाराज, संत सोपान देव, संत निवृत्तीनाथ, संत तुकाराम, संत नामदेव, विठोबा, रुक्मिणी यांच्या वेशभूषा करून ग्रंथदिंडीत सहभाग नोंदवला तर संमेलनाचे स्वागताध्यक्ष डॉ. सुरेंद्र हेरकळ यांनी त्यांच्या एमआयटी संत ज्ञानेश्वर बी.एड. कॉलेजच्या विद्यार्थ्यांच्या सहकार्याने आदिशक्ती संत मुक्ताई कडून संतश्रेष्ठ श्री ज्ञानेश्वर माऊलींना 750 फुटाची व 101 किलो वजनाची बांधण्यात आलेली राखी सुद्धा आकर्षणाचे केंद्र ठरले. संमेलनाचे या राखीमुळे वर्ल्ड बुक ऑफ रेकॉर्ड आणि लिमका बुक ऑफ रेकॉर्डमध्ये सुद्धा नोंद घेण्यात आली. संमेलनाचे संयोजक श्री ज्ञानेश्वर चरित्र समितीचे अध्यक्ष प्रकाश काळे, संमेलनाच्या निमंत्रक कवयित्री सौ. रूपाली चिंचोलीकर, सहनिमंत्रक डॉ. ज्ञानेश्वर पाटील, सहसंयोजक अजित वडगावकर, सहकार्याध्यक्ष रामचंद्र कु-हाडे पाटील, खजिनदार सौ. संगीता उज्जैनकर, विशेष अतिथी बार्टी भारत सरकारचे महासंचालक सुनील वारे, महाराष्ट्र राज्य साहित्य व संस्कृती मंडळ, मुंबई चे माजी सदस्य तथा साहित्यिक विलास सिंदगीकर, मंडळाचे सदस्य डॉ. राजेश गायकवाड आणि फाउंडेशनचे राज्यध्यक्ष डॉ.सुभाष बागल, राज्य सचिव ॲड. सर्जेराव साळवे, राज्य उपाध्यक्ष डॉ. अजयकुमार लोळगे व विनोद डिडवानिया, राज्य सल्लागार तुळशीराम बोबडे, प्रसिद्ध वक्ता डॉ. शिवानंद भानुसे, राज्य प्रसिद्धीप्रमुख ह. भ. प. शंकर महाराज राजपूत, राज्य संपर्कप्रमुख डॉ. अशोक शिरसाट, डॉ. निशिकांत धुमाळ आदी मान्यवर उपस्थित होते. या उद्घाटन सत्राचे सूत्रसंचालन फाउंडेशनचे राज्य समन्वयक डॉ. राजकुमार कांकरिया, पुणे जिल्हा संपर्कप्रमुख डॉ. सुनील धनगर पुणे जिल्हा समन्वयक सौ. योगिता पाखले यांनी केले.
0 टिप्पण्या