💢 उज्जैनकर फाउंडेशनचे ऐतिहासिक संमेलन आळंदी देवाची येथे उत्साहात संपन्न 🟦 श्री संत ज्ञानेश्वर शिक्षण संस्थेच्या विद्यार्थ्यांचा ढोल पथकासह ग्रंथदिंडीत सहभाग* 🟩 राखीची ग्रिनिक वर्ल्ड बुक आणि लिम्का बुकमध्ये मध्ये नोंद

 

💢 उज्जैनकर फाउंडेशनचे ऐतिहासिक संमेलन आळंदी देवाची येथे उत्साहात संपन्न

🟦 श्री संत ज्ञानेश्वर शिक्षण संस्थेच्या विद्यार्थ्यांचा ढोल पथकासह ग्रंथदिंडीत सहभाग*

 🟩 राखीची ग्रिनिक वर्ल्ड बुक आणि लिम्का बुकमध्ये  मध्ये नोंद  

वृत्त एकसत्ता न्यूज 

आकाश भाग्यवंत नायकुडे 

मुंबई दिनांक 7 जानेवारी 2025 :

आळंदी येथे आयोजित उज्जैनकर फाउंडेशन साहित्य संमेलनाचे उद्घाटन निवेदक तथा मुलाखतकार सुधीर गाडगीळ यांच्या  हस्ते झाले. संतश्रेष्ठ श्री ज्ञानेश्वर महाराज यांच्या 750 आणि आदिशक्ती संत मुक्ताई यांच्या 745 व्या सप्तशतकोत्तर जन्म महोत्सवी वर्षानिमित्त शिवचरण उज्जैनकर फाउंडेशन, मुक्ताईनगर जिल्हा जळगाव आणि महाराष्ट्र राज्य साहित्य व सांस्कृतिक मंडळ, मुंबई यांच्या संयुक्त विद्यमाने आणि श्री ज्ञानेश्वर चरित्र समिती व श्री ज्ञानेश्वर शिक्षण संस्था आळंदी देवाची यांच्या सौजन्याने तिसरे राज्यस्तरीय शिव बाल, किशोर व युवा मराठी साहित्य संमेलन आयोजित केले होते. संमेलनाचे अध्यक्षस्थानी  कवयित्री प्रा.सुमतीताई पवार,तर  स्वागताध्यक्ष प्राचार्य डॉ.सुरेंद्र हेरकळ होते. 

मंडळाचे माजी सदस्य तथा साहित्यिक विलास सिंदगीकर, विद्यमान सदस्य डॉ.राजेश गायकवाड, संयोजक प्रकाश काळे, कार्याध्यक्ष सुरेश वडगावकर, निमंत्रक रूपालीताई चिंचोलीकर, सहसंयोजक अजित वडगावकर,  सहकार्यध्यक्ष रामचंद्र कुऱ्हाडे पाटील, सहसंयोजक डॉ.ज्ञानेश्वर पाटील, उद्योजक विनोदभाऊ डीडवाणीया व संमेलनाचे मुख्य आयोजक तथा शिवचरण उज्जैनकर, फाउंडेशनचे संस्थापक अध्यक्ष डॉ. शिवचरण उज्जैनकर, खजिनदार सौ. संगीता उज्जैनकर इत्यादी मान्यवर व्यासपीठावर उपस्थित होते. 

प्रारंभी संतश्रेष्ठ श्री ज्ञानेश्वर महाराज आदिशक्ती संत मुक्ताई व जगद्गुरु संत तुकाराम महाराज यांच्या प्रतिमेचे पूजन करण्यात आले. प्रसंगी सर्व मान्यवरांचा फाउंडेशन तर्फे मानपत्र, स्मृतीचिन्ह, पुस्तक व विशेषांक भेट देऊन सत्कार करण्यात आला .याप्रसंगी श्री ज्ञानेश्वर शिक्षण संस्थेचे 200 विद्यार्थ्यांनी ग्रंथ दिंडीमध्ये सहभाग नोंदवला .याप्रसंगी येथील शिक्षक  विकास शिवले, प्रदीप काळे  यांनी व सहकाऱ्यांनी विद्यार्थ्यांचे विठ्ठल, रुक्मिणी आदिशक्ती संत मुक्ताई, संत ज्ञानेश्वर, संत सोपान देव, संत निवृत्तीनाथ यांचे वेशभूषा केलेले विद्यार्थी आकर्षण ठरले. त्याचप्रमाणे आदिशक्ती संत मुक्ताई यांच्याकडून संतश्रेष्ठ श्री ज्ञानेश्वर महाराजांना 750 फूट लांब व 101 किलो वजनाची राखी सुद्धा बांधण्यात आली. जगातील सर्वात लांब व जाड असल्याने त्याची ग्रिनीज वर्ल्ड बुक ऑफ रेकॉर्ड व लिंमका बुक ऑफ रेकॉर्डमध्ये नोंद करण्यात आली. ही राखी संमेलनाचे स्वागताध्यक्ष अध्यक्ष तथा एमआयटी संत ज्ञानेश्वर बी.एड .कॉलेजचे प्राचार्य तथा उज्जैनकर फाउंडेशनचे पुणे जिल्हा अध्यक्ष डॉ. सुरेंद्र हेरकळ  व विद्यार्थ्यांनी तयार केली. संमेलनाच्या विशेषांकाचे व फाउंडेशनच्या विविध पदाधिकाऱ्यांच्या ग्रंथाचे प्रकाशन मान्यवरांच्या शुभहस्ते करण्यात आले. तसेच फाउंडेशनचे तापी पूर्णा राज्यस्तरीय इतर व साहित्य पुरस्कारांनी 31 मान्यवरांना सन्मानित करण्यात आले. मान्यवरांनी डॉ. शिवचरण उज्जैनकर यांच्या कार्याचे कौतुक करून हे कार्य अधिकाधिक उंच भरारी घेवो अशी माऊली चरणी प्रार्थना केली. या प्रसंगी मान्यवरांच्या शुभहस्ते या संमेलनाचे मुख्य आयोजक डॉ. शिवचरण उज्जैनकर व पत्नी सौ. संगिता उज्जैनकर  यांचा शाल, मानपत्र,  स्मृतिचिन्ह विशेषांक भेट देऊन सत्कार करण्यात आला.   "ओळख श्री ज्ञानेश्वरी" या परीसंवादांमध्ये अध्यक्ष प्रकाश काळे यांच्या अध्यक्षतेखाली व दुसरा परिसंवाद "ताटी उघडा ज्ञानेश्वरा "या विषयावरील दुसऱ्या परिसंवादाचे अध्यक्ष ह. भ. प. ज्ञानेश्वर माऊली ठेंग महाराज यांच्या अध्यक्षते खाली व ज्ञानेश्वर पाटील व इतर मान्यवरांच्या सहभागाने  परिसंवाद रंगले .त्यानंतर बोली भाषेतील सांस्कृतिक कार्यक्रमांमध्ये त्यांचे बुलढाणा जिल्हा सदस्य जादूगार डी. चंद्रकांत यांनी कटपुतली शो तर दिघी आळंदी येथील महिला मंडळांनी भजनाचा उत्कृष्ठ कार्यक्रम सादर केला. फाउंडेशनचे पदाधिकाऱ्यांनी सुद्धा अभंग, पोवाडे, भक्ती गीत यांनी रंगत आणली. समारोपीय सत्रात फाउंडेशनचे राज्य सल्लागार ज्येष्ठ साहित्यिक तुळशीराम बोबडे यांच्या अध्यक्षतेखाली  डॉ. शिवानंद भानुसे यांच्या प्रमूख उपस्थितीत समारोपीय सत्र  संपन्न झाले. डॉ. भानुसे यांनी उज्जैनकर फाउंडेशनच्या 15 वर्षाच्या कार्यकाळात झालेल्या उपक्रमाचे कौतुक केले व मी गेल्या पंधरा वर्षापासून उज्जैनकर परिवाराशी घरोब्याचेचे नाते जोडलेले असून शिवचरण उज्जैनकर फाउंडेशनच्या माध्यमातून डॉ. शिवचरण उज्जैनकर व सौ. संगीता उज्जैनकर यांनी महाराष्ट्र मध्ये असंख्य माणसं जोडलीत व ती टिकून ठेवलीत त्याचा मी साक्षीदार आहे असे म्हटले.  कवी डॉ. सतीश     सोळाकुरकर यांच्या अध्यक्षते  खाली व सहसंयोजक अजित वडगावकर, कवी  गणेश आघाव व  फाउंडेशनचे  महाराष्ट्रातील विविध जिल्ह्यातील पदाधिकाऱ्यांच्या उपस्थितीत राज्यभरातून आलेल्या येथील कवीं, कवयित्रींनी या कवी संमेलनामध्ये उस्फूर्त अध्यात्मिक कविता सादर करून उपस्थितांची दाद मिळवली. प्रसंगी सर्वांचा प्रमाणपत्र, स्मृतिचिन्ह व विशेषांक देऊन गौरव करण्यात आले. संमेलन यशस्वीतेसाठी  उज्जैनकर फाउंडेशनच्या राज्य पदाधिकारी व सभासदांचे  सहकार्य लाभले.