🩺 हेल्थ मंत्रा |🩺आरोग्य मंत्र |🩺 औषध घेताना किती प्रमाणात पाणी प्यावं? एक छोटी चूक कमी करू शकते औषधाचा प्रभाव

 🩺 हेल्थ मंत्रा |🩺आरोग्य मंत्र |🩺

औषध घेताना किती प्रमाणात पाणी प्यावं? एक छोटी चूक कमी करू शकते औषधाचा प्रभाव

वृत्त एकसत्ता न्यूज 

संकलक : आकाश भाग्यवंत नायकुडे 

अकलूज दिनांक 2/10/2026 :

आजारी पडल्यावर डॉक्टर वेगवेगळी औषधं लिहून देतात. यात काही गोळ्या तर काही सिरप असतात. डॉक्टरांनी लिहून दिल्या त्या वेळांवर ही औषधं घ्यायची असतात. जास्तीत जास्त लोक लगेच बरे होण्यासाठी या वेळा काटेकोर पाळतात सुद्धा. आपणही वेळेवर औषध घेत असाल. पण आपण कधी विचार केलाय का की, गोळ्या किंवा औषध घेताना किती प्रमाणात पाणी प्यावे? कारण औषध घेण्यासोबतच ते घेताना पाण्याचं योग्य प्रमाण देखील महत्वाचं असतं. तसेच औषध घेताना इतरही काही चुका टाळायच्या असतात. अशात जाणून घेऊया की, औषध घेताना किती पाणी प्यावे आणि कोणत्या चुका करू नये.   

 रिपोर्टनुसार, बरेच लोक असे असतात जे सकाळचं औषध चहा, कॉफी किंवा दुधासोबत घेतात. पण सगळ्याच औषधांसोबत असं करणं योग्य नसतं. डॉक्टरांनी सांगितल्याशिवाय किंवा लेबल तसं लिहिलेलं असल्याशिवाय औषध चहा-दुधासोबत घेऊ नये. अशात औषध घेण्यासाठी नेहमी साध्या पाण्याचा वापर केला पाहिजे.

औषध घेताना किती पाणी प्यावे?

डॉक्टरांनी सांगितलं की, औषध घेताना योग्य प्रमाणात पाणी पिणं सुद्धा गरजेचं असतं. जेणेकरून गोळी पोटापर्यंत सहजपणे पोहोचावी. पाणी भरपूर प्याल तर गोळी पोटात लवकर विरघळते आणि शरीरात बरोबर अॅब्जॉर्बही होते. जर आपण गोळी घेताना ६० मिलीपेक्षा कमी पाणी पित असाल तर गोळी घशात किंवा एसोफॅगसमध्ये चिकटून राहून शकते. या भागात जळजळ होऊ शकते. आपण रोज औषधं घेत असाल तर हे लक्षात ठेवा की पाणी कमी पिऊ नये. तसेच औषध ज्यूस किंवा इतक कोणत्या पेयासोबत घेणंही नुकसानकारक ठरू शकतं. 

काय टाळावं?  

बरेच लोक औषध घेतल्यावर लगेच लेटतात. पण काही औषधं घेतल्यानंतर लगेच लेटल्याने त्रास होऊ शकतो. खासकरून अशा औषधांनंतर ज्या अन्ननलिकेत अडकल्याने जळजळ किंवा दुखण्याचा धोका होऊ शकतो. त्यामुळे औषधांसोबत देण्यात आलेली माहिती व्यवस्थित वाचावी. औषध घेताना नेहमी त्याची एक्सपायरी डेट चेक करावी.    

आंबट फळाने नुकसान

जेव्हा तुम्ही औषधे घेता, तेव्हा आंबट फळं खाऊ नये. आंबट फळं ५० पेक्षा अधिक औषधांना प्रभावित करू शकतात. याने शरीरात वेगवेगळ्या समस्या निर्माण होऊ शकतात. या समस्या टाळण्यासाठी औषधे घेत असाल तर लिंबू, संत्री, द्राक्ष, लोणचं, चिंच खाऊ नका.

चहा-कॉफीने नुकसान

औषधे ही गरम गोष्टींमुळे खराब होतात. औषधांचं कोटिंग आधीच गरम पाण्यासोबत नष्ट होतं आणि त्याचा योग्य तो फायदा तुम्हाला मिळत नाही. अशात बरं होईल की, तुम्ही चहा-कॉफी किंवा कोणत्याही गरम पदार्थासोबत किंवा पेयासोबत औषध घेऊ नये. औषधे थंड किंवा नॉर्मल पाण्यासोबत घ्यावीत.

♻️                                ♻️