कॉफीप्रेमींनो, लक्ष द्या! ब्लॅक कॉफी हृदयासाठी किती फायदेशीर?

वृत्त एकसत्ता न्यूज

संकलक : आकाश भाग्यवंत नायकुडे

अकलूज दिनांक 18/9/2026

_Black coffee for the heart: ब्लॅक कॉफीमध्ये साखर आणि दूध नसल्यामुळे तिच्यात अतिरिक्त कॅलरीज नसतात. कॉफीतील कॅफिनमुळे काही काळ ताजेतवाने वाटू शकते आणि एकाग्रता वाढण्यासही मदत होऊ शकते.

*How beneficial is black coffee for the heart:* कॉफी पिणं हल्ली प्रत्येकाच्या दैनंदिन जीवनशैलीचा एक भाग बनला आहे. सकाळची सुरुवात करण्यासाठी, कामाच्या ताणातून थोडा ब्रेक घेण्यासाठी किंवा मित्र-मैत्रिणींसोबत गप्पा मारताना अनेक जण आवडीने कॉफीचा आस्वाद घेतात. कॉफीमध्ये असलेले कॅफिन शरीराला काही काळ ताजेतवाने आणि अधिक सतर्क ठेवण्यास मदत करू शकते. त्यामुळे ऑफिसमध्ये काम करणारे, विद्यार्थी तसेच रात्री उशिरापर्यंत काम करणारे लोक कॉफीला पसंती देतात.

त्यातही काही जण दूध, साखर किंवा क्रीम न घालता ब्लॅक कॉफीला प्राधान्य देतात. विशेषतः वजन नियंत्रित करण्याचा प्रयत्न करणारे, व्यायाम करणारे किंवा दिवसभर उत्साही राहण्यासाठी कॉफी पिणारे अनेक जण ब्लॅक कॉफी निवडतात. ब्लॅक कॉफीमध्ये साखर आणि दूध नसल्यामुळे तिच्यात अतिरिक्त कॅलरीज नसतात. कॉफीतील कॅफिनमुळे काही काळ ताजेतवाने वाटू शकते आणि एकाग्रता वाढण्यासही मदत होऊ शकते.

*ब्लॅक कॉफी हृदयासाठी कशी फायदेशीर?*

- *हृदयविकाराचा धोका कमी होण्यास मदत:* नियमित, पण मध्यम प्रमाणात कॉफीचे सेवन करणाऱ्या काही लोकांमध्ये हृदयविकाराचा धोका कमी असल्याचे अभ्यासांमध्ये आढळले आहे.

- *ॲंटिऑक्सिडंट्सचा स्त्रोत:*काॅफीमध्ये पाॅलीफेनाॅलसारखे जैविक घटक असतात. हे शरीरातील ऑक्सिडेटिव्ह स्ट्रेस कमी करण्यास मदत करु शकतात.

- *रक्तवाहिन्यांच्या आरोग्यासाठी मदत:* काॅफीतील काही घटक रक्तवाहिन्यांच्या कार्यावर सकारात्मक परिणाम करू शकतात. ज्यामुळे हृदय व रक्ताभिसरणाच्या आरोग्याला फायदा होऊ शकतो.

- *साखर आणि अतिरिक्त कॅलरी टाळता येतात:* ब्लॅक काॅफीमध्ये दूध, साखर किंवा क्रीम नसल्यामुळे गोड काॅफीच्या तुलनेत अतिरिक्त साखर आणि कॅलरीज कमी राहतात. त्यामुळे वजन नियंत्रणात ठेवण्यास मदत होऊ शकते, जे हृदयाच्या आरोग्यासाठीही महत्त्वाचे आहे.

- *मेटाबाॅलिक आरोग्यावर संभाव्य फायदा:* काही संशोधनांत काॅफीचे मध्यम सेवन टाईप-२ मधुमेहाच्या कमी जोखमीशी संबंधित आढळले आहे. मधूमेह हा हृदयविकाराचा महत्वाचा जोखीम घटक असल्याने हा अप्रत्यक्षपणे फायदा मानला जातो.‌

- *पण जास्त काॅफी टाळा:* कॅफिनमुळे काही व्यक्तींमध्ये हृदयाची धडधड वाढणे, रक्तदाब तात्पुरता वाढणे, अस्वस्थता किंवा झोपेचा त्रास होऊ शकतो. त्यामुळे हृदयविकार, अनियंत्रित उच्च रक्तदाब किंवा कॅफिनची संवेदनशीलता असल्यास डॉक्टरांचा सल्ला घेणे योग्य.

*दिवसातून किती वेळा काॅफी घ्यावी?*

माफक प्रमाणात म्हणजेच दिवसातून सुमारे दोन ते तीन कप कॉफी प्यायल्याने हृदयविकार, हृदयक्रिया बंद पडणे आणि पक्षाघाताचा धोका कमी होतो. काॅफीमध्ये पाॅलीफेनाॅल नावांचे फायदेशीर ॲंटीऑक्सिडंट्स असतात, ज्यामुळे शरीरातील दाह कमी होतो.

संकलन : यशवंत वाघ

************************