🟣 शासनाने शेतकऱ्यांना प्रतिटन एक हजार रुपयांचे अनुदान द्यावे – जयसिंह मोहिते-पाटील 🟢 सहकार महर्षि साखर कारखान्याचे यंदा 9 लाख मे.टन गाळप उद्दिष्ट. 🔵 कर्मचाऱ्यांना ११ टक्के बोनस जाहीर

 

🟣 शासनाने शेतकऱ्यांना प्रतिटन एक हजार रुपयांचे अनुदान द्यावे – जयसिंह मोहिते-पाटील

🟢 सहकार महर्षि साखर कारखान्याचे यंदा 9 लाख मे.टन गाळप उद्दिष्ट.

🔵 कर्मचाऱ्यांना ११ टक्के बोनस जाहीर 

वृत्त एकसत्ता न्यूज 

आकाश भाग्यवंत नायकुडे 

अकलूज दिनांक 27/9/2026 : सहकारी साखर कारखानदारी टिकवून  ऊस उत्पादक शेतकऱ्यांना दिलासा द्यायचा असेल, तर सहकारी तत्त्वावरील साखर कारखान्यांस ऊस पुरवठा करणाऱ्या  शेतकऱ्यांना महाराष्ट्र शासनाने प्रतिटन एक हजार रुपयांचे अनुदान द्यावे, अशी मागणी अकलूज येथील सहकार महर्षि शंकरराव मोहिते-पाटील सहकारी साखर कारखान्याचे अध्यक्ष जयसिंह मोहिते-पाटील यांनी केली केली.

सहकार महर्षि शंकरराव मोहिते-पाटील सहकारी साखर कारखान्याच्या 65 व्या गळीत हंगामाचा शुभारंभ  माजी उपमुख्यमंत्री विजयसिंह मोहिते-पाटील यांच्या शुभहस्ते आज (दि. 27) संपन्न झाला. या शुभारंभ प्रसंगी जयसिंह मोहिते पाटील बोलत होते. पुढे बोलताना

भविष्यातील गाळपाच्या स्पर्धेत टिकून राहण्यासाठी सहकार महर्षि कारखान्याचे आधुनिकीकरण करण्यात येणार असल्याने कमी कालावधीत अधिक ऊस गाळप करण्याची क्षमता कारखान्यात निर्माण होईल. यंदा पाऊस अत्यल्प झाल्याने ऊस उत्पादनात घट होण्याची शक्यताही त्यांनी व्यक्त केली.

यावेळी बोलताना माजी आमदार रणजितसिंह मोहिते-पाटील यांनी निरेवर अवलंबून असलेल्या सर्वांसमोर भविष्यात मोठे पाणी संकट उभे राहण्याची शक्यता व्यक्त केली. ते म्हणाले, शिरवळ, फलटण आणि लोणंद परिसरात लवकरच एमआयडीसी सुरू होत असून, या ठिकाणी मोठ्या प्रमाणावर फार्मा कंपन्या येणार आहेत. एका कंपनीला समजा एक लाख लिटर पाण्याची गरज भासत असेल, तर कंपनीतील कर्मचाऱ्यांसाठी लागणाऱ्या पाण्याचा अतिरिक्त विचार करावा लागेल. त्यामुळे भविष्यात निरेच्या पाण्यावर मोठा ताण निर्माण होऊन भीषण पाणीटंचाईला सामोरे जावे लागू शकते. भविष्यातील परिस्थिती लक्षात घेता पाणी उपशाचे योग्य व्यवस्थापन करणे अत्यंत गरजेचे आहे, असे रणजितसिंह मोहिते-पाटील यांनी सांगितले.

याप्रसंगी कृषी उत्पन्न बाजार समितीचे सभापती मदनसिंह मोहिते-पाटील,  कारखान्याच्या संचालिका स्वरूपाराणी मोहिते-पाटील यांच्यासह विश्वस्त व संचालक मंडळातील पदाधिकारी उपस्थित होते. कार्यक्रमाचे प्रास्ताविक कारखान्याचे कार्यकारी संचालक सुहास यादव यांनी केले.

      ऊस गळीत हंगाम शुभारंभ समारंभा पूर्वी सकाळी दहा वाजता डिस्टिलरी उत्पादन शुभारंभा निमित्त संचालक जयदीप शिवाजीराव एकतपुरे आणि त्यांच्या धर्मपत्नी सौ शितल जयदीप एकतपुरे या उभयतांच्या हस्ते श्री सत्यनारायण महापूजा करण्यात आली.