🟣 रेशन धान्य घोटाळा दडपण्याचा अधिकाऱ्या कडूनच प्रयत्न ? 🔵 पुरवठा विभागाच्या कारवाईवर संशयाचे सावट, [💢 पंचनामा झाला, धान्य कमी आढळले...मग कारवाई कुठे अडकली ? स्वस्त धान्यदूकानावरील कारवाई गूलदसत्यातच आडकली,....!]

 🟣 रेशन धान्य घोटाळा दडपण्याचा  अधिकाऱ्या कडूनच  प्रयत्न ?

🔵 पुरवठा विभागाच्या कारवाईवर संशयाचे सावट,

[💢 पंचनामा झाला, धान्य कमी आढळले...मग कारवाई कुठे अडकली ? स्वस्त धान्यदूकानावरील कारवाई गूलदसत्यातच आडकली,....!]

वृत्त एक सत्ता न्यूज

सोलापूर / मंगळवेढा (प्रतिनिधी)

मंगळवेढा तालुक्यात काही दिवसांपूर्वी एका रेशन दुकानात धान्याचे कमी वजन आढळल्याचा प्रकार समोर आला होता. विशेष म्हणजे,पुरवठा विभागाच्या अधिकाऱ्यांनी प्रत्यक्ष घटनास्थळी जाऊन पंचनामा केला व  धान्य कमी असल्याचा जबाबही दूकानदाराचा दप्तरी नाेंदवला. मात्र पुढे कुठे माशी शिंकली व हे प्रकरण दाबन्यासाठी चक्क अधिकाऱ्यानी सदर दूकानदाराच जबाब फिरवुन धान्य व्यवस्थित मिळत आसल्याचे लेखी पत्र घेऊन घाेटाळा दाबला गेल्याची खमंग सत्य घटनेची चर्चा रंगू लागली आहे. हा सर्व प्रकार साखळी पध्दतीने जिल्हा स्तरापासुन ते तालुका पातळी पर्यत अनेक दिवसा पासुन गरीबाचा घास गिळन्याचा प्रकार सुरू आहे. मात्र, या गंभीर प्रकारानंतर संबंधित दुकानदारावर नेमकी कोणती कारवाई? करण्यात आली,याबाबत अद्याप कोणतीही अधिकृत माहिती प्रसिध्दी माध्यमापर्यंत दिली गेली नाही. त्यामुळे पुरवठा विभागाच्या भूमिकेवर प्रश्नचिन्ह निर्माण झाले असून, नागरिकांमध्ये संशयाचे वातावरण निर्माण झाले आहे.

मंगळवेढा शहरातील एका प्रमुख राजकीय पक्षाचे पदाधिकारी  नारायण गोवे यांनी या प्रकरणात पारदर्शकतेची मागणी करत संबंधित दुकानदारावर करण्यात आलेल्या कारवाईचा संपूर्ण अहवाल त्यांना देण्यात यावा तसेच तो जनतेसमोरही जाहीर करण्यात यावा,अशी मागणी केली आहे. रेशन व्यवस्थेचा उद्देश गरीब व गरजू नागरिकांना शासनाचे धान्य योग्य प्रमाणात आणि योग्य वजनात उपलब्ध करून देणे हा आहे.  अशा परिस्थितीत धान्य कमी वजनाचे आढळणे हा केवळ प्रशासकीय दोष नसून लाभार्थ्यांच्या हक्कावर घाला असल्याचे मानले जाते. त्यामुळे अशा प्रकरणात कठोर आणि तातडीची कारवाई अपेक्षित असते. मात्र,पंचनामा होऊनही कारवाईबाबतची माहिती गुप्त ठेवली जात असल्याने विविध तर्कवितर्कांना उधाण आले आहे.

पाठखळ,माचणूर, लक्ष्मीदहिवडी येथिल स्वस्त धान्य दूकानावर कारवाई केली. मात्र ऐका जेष्ठ दलाला मार्फत आर्थीक  तडजाेड केल्याची चर्चा आसुन कारवाईची ती माहीतीही माध्यमांना जबाबदार अधिकाऱ्यानी  आजून काही दूकानावर कारवाई करायची आसल्याचे सांगून माहीती देणे टाळली आसल्याने या कारवाईचे गूढ वाढले आहे.अधिकारी आणि संबंधित दुकानदार यांच्यातील कथित मिलीभगतीची चर्चा सुरू असून, या चर्चेमुळे पुरवठा विभागाची प्रतिमा देखील डागाळली जात आसल्याने  नुतन जिल्हाधिकारी यांनी लक्ष घालुन  स्टिंग आँपरेशन करून पुरवठा व महसुल प्रशासनाचा कारभार स्वच्छ करावा अशी मागणी हाेते आहे.

लोकहिताशी संबंधित कोणत्याही प्रकरणात गोपनीयतेपेक्षा पारदर्शकतेला अधिक महत्त्व असते. रेशन व्यवस्थेतील गैरप्रकारांवर कठोर कारवाई होणे जितके आवश्यक आहे, तितकेच त्या कारवाईची माहिती जनतेपर्यंत पोहोचणेही गरजेचे आहे.  अन्यथा प्रशासनावरील विश्वास कमी होऊन संशयाला खतपाणी मिळते. मंगळवेढा पुरवठा विभागाने या प्रकरणातील सर्व तथ्ये आणि कारवाईचा तपशील तातडीने जाहीर करून निर्माण झालेल्या शंकांचे निरसन करणे ही काळाची गरज आहे.