सहकार महर्षी अभियांत्रिकी महाविद्यालयामध्ये अभियांत्रिकी पदवी प्रवेश प्रक्रिया सुविधा केंद्राचे उद्घाटन संपन्न
वृत्त एकसत्ता न्यूज
आकाश भाग्यवंत नायकुडे
अकलूज दिनांक 04/07/2026 :
शंकरनगर अकलूज येथील सहकार महर्षि शंकराव मोहिते पाटील इन्स्टिट्यूट ऑफ टेक्नॉलॉजी अँड रिसर्च या अभियांत्रिकी महाविद्यालयांमध्ये पदवी इंजिनिअरिंग (एफ सी ६७८२) २०२६- २७ वर्षाकरिता प्रवेश प्रक्रिया सुविधा केंद्राचे उद्घाटन रवींद्र सुभाष पवार या पालकांच्या हस्ते संपन्न झाल्याची माहिती महाविद्यालयाचे प्राचार्य डॉ. प्रवीण ढवळे यांनी दिली.
दिनांक २ जुलै २०२६ पासून सदर प्रवेश प्रक्रिया नोंदणी सुरू झालेली आहे. या सुविधा केंद्रामध्ये प्रथम वर्ष अभियांत्रिकी पदवी प्रवेश प्रक्रिया अर्जाची नोंदणी व अर्ज निश्चिती करता येणार आहे. सुविधा केंद्र सकाळी ९:३० ते सायंकाळी ५:०० वाजेपर्यंत चालू असणार आहे. ग्रामीण भागातील विद्यार्थी व पालकांना पदवी इंजीनियरिंग अभ्यासक्रमाच्या प्रवेश प्रक्रियेची गैरसोय होऊ नये या हेतूने महाविद्यालयाचे अध्यक्ष जयसिंह शंकरराव मोहिते पाटील व महाविद्यालयीन विकास समितीच्या अध्यक्षा कु. स्वरूपाराणी जयसिंह मोहिते पाटील यांच्या मार्गदर्शनाखाली पदवी इंजीनियरिंग प्रवेश प्रक्रिया सुविधा केंद्रामध्ये मोफत सोय देण्यात येणार आहे .पालकांनी व विद्यार्थ्यांनी सदर सुविधांचा लाभ घ्यावा असे आवाहन महाविद्यालयाचे प्राचार्य डॉ. प्रवीण ढवळे यांनी केले आहे.
सदर उद्घाटन प्रसंगी विद्यार्थी, पालक, संस्थेतील शिक्षक व शिक्षकेत्तर सेवक उपस्थित होते. प्रवेश प्रक्रिया केंद्राचे व्यवस्थापन प्रा. गौरव गिरीधर देशपांडे व प्रा. वैभव शशिकांत रिसवडकर हे पाहत आहेत.
0 टिप्पण्या