मनाची शुद्धता

 

मनाची शुद्धता

वृत्त एकसत्ता न्यूज 

संकलक : आकाश भाग्यवंत नायकुडे

अकलूज दिनांक 19/7/2026 :

समाजात वावरताना आपल्याला अनेक बरे-वाईट अनुभव येतात. काही आपल्या मनाला आनंद व समाधान देतात, तर काही अनुभवांनी आपले मन विषण्ण होते.

कुठे चुकीचे काही घडत असते, तर कुठे अन्याय-अत्याचार होत असतात. लोक दुसऱ्याशी चुकीच्या पद्धतीने बोलत-वागत असतात, त्यांना त्रास देत असतात. क्वचित जीव घ्यायला सुद्धा कमी करत नाहीत.

अशा वेळेस ज्यांच्यावर अन्याय होतो त्यांनी कडक व काटक बनले पाहिजे. स्वतःहून कोणाला दुखवायचे नाही; पण आपल्यावर कोणी अन्याय करत असेल तर त्याला प्रतिकार करण्याची ताकद आपल्यात हवी.

आजचा संकल्प

अन्याय करणाऱ्यापेक्षा गुपचूप अन्याय सहन करणारा जास्त दोषी असतो हे लक्षात घेऊ व आपल्यावर अन्याय होत असेल तर त्याला सडेतोड उत्तर देऊ.

सौ. स्नेहलता स. जगताप.