🟪 रत्नत्रय पतसंस्था एक विश्वासू पतसंस्था 🟩 चुकून आलेले पाच लाख रुपये पतसंस्थेने परत केले

 🟪 रत्नत्रय पतसंस्था एक विश्वासू पतसंस्था

🟩 चुकून आलेले पाच लाख रुपये पतसंस्थेने परत केले

वृत्त एकसत्ता न्यूज 

आकाश भाग्यवंत नायकुडे 

अकलूज दिनांक 13/06/2026 :

 रत्नत्रय पतसंस्था सदाशिवनगर या पतसंस्थेमध्ये पांडुरंग धोंडीराम थेटे (जि. प. शिक्षक, माजलगाव जि.बीड) यांच्याकडून चुकून  एसबीआयच्या यानो  ॲपवरून  पतसंस्थेच्या अकाउंटला पाच लाख  रुपये ट्रान्सफर झाले होते. इकडे तिकडे धावा धाव करून देखील त्यांना पैसे कुठे गेले हे कळाले नाही. शेवटी त्यांना एवढे कळले कि पैसे रत्नत्रय पतसंस्थेला ट्रान्सफर झाले आहेत पण गाव आणि मोबाईल नंबर यांचा त्यांना तपशील मिळाला नाही.  शेवटी त्यांनी महाराष्ट्रातील सर्व पतसंस्था पीडीएफ मध्ये डाऊनलोड करून घेतल्या व त्यामधून पतसंस्थेचे पूर्ण नाव  व मोबाईल नंबर शोधून त्यांनी रात्री 10:00 वाजता रत्नत्रय  पतसंस्थेचे  सचिव ज्ञानेश राऊत यांच्याशी संपर्क साधला. ज्ञानेश राऊत यांनी त्यांना धीर दिला  आपण काही काळजी करू नका माहिती घेऊन तुम्हाला उद्या सकाळी फोन करतो असे सांगितले.  दुसऱ्या दिवशी सकाळी पतसंस्था उघडल्यानंतर बँकेचे स्टेटमेंट चेक केले असता त्यामध्ये पाच लाख आलेले सचिव राऊत  यांच्या निदर्शनास आले. त्यांनी तात्काळ माजलगाव या ठिकाणी पांडुरंग थेटे यांना संपर्क साधून त्यांना फोनवर सांगितले की आपले पैसे आमच्या पतसंस्थेत आलेले आहेत काही काळजी करू नका असे सांगून  त्यांच्याकडून बँक डिटेल मागून घेतली व फक्त 1 तासात त्यांचे पाच लाख रुपये त्यांच्या अकाउंटला रिटर्न पाठवून  फोन करून सांगितले की आपले पैसे पाठवले आहेत आले का ते चेक करून घ्या.

 त्यानंतर दहा मिनिटात त्यांचा फोन आला  ते म्हणाले राऊत साहेब पैसे आलेत आहेत आजच्या युगात आपल्यासारखा माणूस म्हणजे देव माणूसच म्हणावा लागेल.. आपले खूप खूप आभार.....मी आपणास भेटण्या साठी पुढील महिण्यात आपल्या पतसंस्थेत येत आहे. आणि आज तो योगा योग आला. पांडुरंग साक्षात माऊलीला भेटण्यासाठी माजलगावहून सदाशिवनगर ला आपल्या आई व परिवारासह आले व त्यांनी रत्नत्रय पतसंस्थेचे चेअरमन विरकुमार अनंतलाल दोशी यांचा सत्कार केला व सचिव ज्ञानेश राऊत यांना संपूर्ण कपड्यां चा आहेर भेट म्हणून दिला... पांडुरंग सरांनी रत्नत्रय पतसंस्थेचे संस्थापक, चेअरमन, व्हा चेअरमन, संचालक व कर्मचारी यांचे अगदी मनापासून आभार मानले. जाताना त्यांचे चेहऱ्यावर जो आनंद आणि समाधान होते त्याचे कशातही मोजमाप न करता येण्याजोगे होते.