🟩 राज्यातील 7 साखर कारखान्यांना एनसीडीसीने नाकारले कर्ज 🟦 कोणत्या नेत्यांचं पक्षांतर वाया गेलं अन् कोणाला फायदा? 🟨 14 पैकी फक्त 7 कारखान्यांचे कर्ज प्रस्ताव मंजूर

 🟩 राज्यातील 7 साखर कारखान्यांना एनसीडीसीने नाकारले कर्ज

 🟦 कोणत्या नेत्यांचं पक्षांतर वाया गेलं अन् कोणाला फायदा?                                   

🟨 14 पैकी फक्त 7 कारखान्यांचे कर्ज प्रस्ताव मंजूर

वृत्त एकसत्ता न्यूज 

आकाश भाग्यवंत नायकुडे 

अकलूज दिनांक 23/04/2026 :

राज्यातील सात साखर कारखान्यांना राष्ट्रीय सहकारी विकास महामंडळ अर्थात एनसीडीसीकडून कर्ज नाकारण्यात आल्याची माहिती समोर आली आहे. राज्य सरकारने एकूण 14 कारखान्यांच्या कर्जाचे प्रस्ताव  एनसीडीसीला पाठवले होते. यापैकी फक्त 7 कारखान्यांच्या कर्जाचे (Loan) प्रस्ताव मंजूर झाले आहेत. नकार दिलेल्या कारखान्यात पुणे जिल्ह्यातील (Pune District) तीन कारखाने असून भाजपच्या संग्राम थोपटे (Sangram Thopte) यांच्या कारखान्याला 467 कोटींचे कर्ज नाकारण्यात आले आहे. दिवंगत अजित पवारांच्या कारखान्याचाही 361 कोटींचा प्रस्ताव नाकारण्यात आला आहे. राजकीय वर्तुळात या सगळ्याचे वेगवेगळे अर्थ काढले जात असून त्याविषयी चर्चा सुरु झाली आहे.

ज्यांचं पक्षांतर वाया गेलंय त्यामध्ये माजी आमदार अशोक पवार यांचा समावेश आहे. शरद पवारांच्या राष्ट्रवादीत असलेल्या शिरूरचे माजी आमदार अशोक पवार यांनी अजित पवार यांच्याशी जुळवून घेतले होते. काही महिन्यांपूर्वी झालेल्या जिल्हा परिषदेच्या निवडणुकीत अशोक पवार यांच्या पत्नी घड्याळ चिन्हावर निवडणूक लढवून निवडून आल्या होत्या.

ज्यांचं पक्षांतर कामी आलं अशांमधे शरद लाड यांचा समावेश आहे. शरद लाड यांचे वडील अरुण लाड हे विधान परिषदेचे आमदार असून शरद पवारांच्या सोबत आहेत. मात्र कारखान्याला मदत मिळावी यासाठी शरद लाड यांनी काही दिवसांपूर्वी भाजपमध्ये प्रवेश केला होता. श्री छत्रपती सहकारी साखर कारखाना हा अजित पवारांच्या समर्थकांच्या ताब्यात आहे. भाजपमध्ये असलेल्या पृथ्वीराज जाचक आणि अजित पवार समर्थकांनी एकत्रित पॅनल करून निवडणूक लढवली होती आणि कारखाना ताब्यात घेतला होता. मात्र, ही युती कामी आली नाही.

 कोणत्या नेत्यांना धक्का बसला?

रामेश्वर सहकारी साखर कारखाना लिमिटेड (जालना)- रावसाहेब दानवे. कर्जाचा प्रस्ताव- 106.08 कोटी

श्री विठ्ठलसाई सहकारी साखर कारखाना लिमिटेड (धाराशिव)- बसवराज पाटील (काँग्रेसमधून भाजपमध्ये आले होते.) कर्जाचा प्रस्ताव- 72 कोटी

घोडगंगा सहकारी साखर कारखाना (पुणे)- रावसाहेबदादा पवार- कर्जाचा प्रस्ताव- 184.12 कोटी

सिद्धेश्वर सहकारी साखर कारखाना (सोलापूर) धर्मराज काडादी- 199.94 कोटी

कर्मयोगी कुंडलिकराव जगताप पाटील कुकटी साखर कारखाना (अहिल्यानगर)- राहुल जगताप (शरद पवार गट)- कर्जाचा प्रस्ताव- 49.85 कोटी

श्री छत्रपती सहकारी साखर कारखाना (पुणे)- दिवंगत अजित पवार आणि कुटुंबीय कर्जाचा प्रस्ताव- 361.41 कोटी

राजगड सहकारी साखर कारखाना (पुणे) संग्राम थोपटे (काँग्रेसमधून भाजपमध्ये आले) कर्जाचा प्रस्ताव- 467.85 कोटी