🔰 मेंढ्यांच्यासाठी चराऊ कुरणे राखीव ठेवावी - संजय वाघमोडे 🟨 पशुपालकांचा झपूर्झा येथे जमला मेळावा.

🔰 मेंढ्यांच्यासाठी चराऊ कुरणे  राखीव ठेवावी - संजय वाघमोडे

🟨 पशुपालकांचा झपूर्झा येथे जमला मेळावा. 

वृत्त एकसत्ता न्यूज 

पुणे दिनांक 20/02/2026 : मेंढ्यांसाठी चराई क्षेत्र च उपलब्ध नसल्याने मेंढ्यांची व मेंढपाळांची संख्या झपाट्याने कमी होत आहे. मेंढ्यांची संख्येत  वाढ करायची असेल तर मेंढपाळांना आर्थिकदृष्ट्या सवलती देऊन मेंढ्या चराईसाठी ठिकठिकाणी राखीव  कुरणे ठेवावीत असे प्रतिपादन यशवंत क्रांती संघटनेचे संस्थापक अध्यक्ष व राज्यपाल नियुक्त सदस्य संजय वाघमोडे यांनी केले. ते पुणे येथे आयोजित पशुपालक मेळाव्यात बोलत होते. मेळाव्यात देशातील विविध राज्यातील पशुपालकांचे प्रतिनिधी व पशुपालक उपस्थित होते. कार्यक्रम व प्रदर्शन आयोजन लिव्हिंग लाईटली -जर्नीज विथ पास्टोरलिस्ट्स यांच्या कडून झपूर्झा येथे करण्यात आले.

      भारताची पशुपालक परंपरा ही प्राचीन काळापासून अस्तित्वात असुन ती आपल्या सांस्कृतिक, सामाजिक आणि पर्यावरणीय जीवनाचा अविभाज्य भाग आहे. मात्र, बदलत्या काळात शहरीकरण, जमिनींचे रूपांतर आणि पारंपरिक स्थलांतर मार्गावरील अडथळे, यामुळे या ज्ञान परंपरेसमोर अनेक आव्हाने उभी राहिली आहेत. अशा पार्श्वभूमीवर पशुपालकांचे 

झपूर्झा म्युझियम ऑफ आर्ट अँड कल्चर येथे हे प्रदर्शन प्रेक्षकांना पशुपालक जगण्याचा अनुभव

देणाऱ्या विविध स्थापनेतून, कथा, ध्वनी आणि संवादात्मक माध्यमांतून साकारले आहे.

   या प्रदर्शनाच्या निमित्ताने देशभरातील पशुपालक समुदाय मंगळवारी (दि. १७ फेब्रु.) 

 येथे एकत्र जमले. विविध प्रदेशांतील पशुपालक परंपरांचे प्रतिनिधित्व करत धनगर मेंढपाळ, कुरुमा, नंद गवळी, गवळी धनगर, वन गुज्जर, बन्नी, लांबाडी, तसेच इतर अनेक पशुपालक समुदायांनी उत्सवात सहभाग नोंदविला. यानिमित्ताने अनुभव, परंपरा आणि जीवंत ज्ञानपरंपरांची देवाणघेवाण घडून आली. कार्यक्रमास मेंढपाळ चराई कुरण समितीचे राज्यपाल नियुक्त सदस्य व यशवंत क्रांती संघटनेचे संस्थापक अध्यक्ष संजय वाघमोडे, कोल्हापूर जिल्हा संपर्क प्रमुख सुनील शेळके, डॉ. नित्या घोटगे, सजल कुलकर्णी, एकता खोडे, झपूर्झाचे संस्थापक अजित गाडगीळ, श्रीपाद जोशी, अश्विन कुलकर्णी नीलकंठ मामा, संगिता खापरे, प्रणव पाटील, अश्विनी लुबडे, संजय गायन, महेंद्र खताळ, बानूबाई, नंदीबाई कोलपे आणि जीवन कोलपे उपस्थित होते. या प्रदर्शनाला पी. एन. गाडगीळ ॲण्ड सन्सचे सहकार्य लाभले आहे. हे प्रदर्शन मे २०२६ पर्यंत झपूर्झा येथे पाहण्यासाठी खुले आहे.