शृंगार मराठीचा

 

शृंगार मराठीचा                  

वृत्त एकसत्ता न्यूज 

संकलक आकाश भाग्यवंत  नायकुडे 

अकलूज दिनांक 27/02/2026 :

"अनुस्वारी" शुभकुंकुम ते 

भाळी सौदामिनी |              

"प्रश्नचिन्ही" डुलती झुमके 

सुंदर तव कानी |             

नाकावरती "स्वल्पविरामी"

शोभे तव नथनी |              

"काना" काना गुंफुनी माला 

खुलवी तुज मानिनी |       

"वेलांटी" चा पदर शोभे

तुझीया माथ्याला |                 

"मात्रां" चा मग सूवर्णचाफा

वेणीवर माळला |          

    

"उद्गारा" चा तो गे छल्ला

लटके कमरेला |                   

"अवतरणां" च्या बटा 

मनोहर भावती चेहर्‍याला |     

      

"उ" काराचे पैंजण झुमझुम

पदकमलांच्यावरी |         

"पूर्णविरामी" तिलोत्तम तो 

शोभे गालावरी ॥

मराठी भाषा दिनाच्या हार्दिक शुभेच्छा !!!...       

मिलिंद चिटणीस