🟨 धनगर (एसटी) आरक्षण अंमलबजावणी करणेबाबत जिल्हाधिकाऱ्यांना निवेदन

 

🟨 धनगर (एसटी) आरक्षण अंमलबजावणी करणेबाबत  जिल्हाधिकाऱ्यांना निवेदन 

वृत्त एकसत्ता न्यूज 

आकाश भाग्यवंत नायकुडे 

मुंबई दिनांक 24/09/2025 : मुख्यमंत्री फडणवीस यांनी दिलेला शब्द पाळावा व तातडीने धनगर एसटी आरक्षण अंमलबजावणी करावी. यासाठी जालना येथे धनगर आमरण उपोषणाला बसलेले दीपक बोराडे यांच्या उपोषणास पाठिंबा देण्यासाठी समस्त धनगर समाज कोल्हापूरच्या वतीने आज (बुधवार) जिल्हाधिकाऱ्यांना निवेदन देण्यात आले. 

       जिल्हाधिकारी अमोल येडके  यांना देण्यात आलेल्या निवेदनात म्हटले आहे की २०१४ मध्ये बारामती येथे धनगर समाजाच्या लाखो जनसमुदायासमोर  मुख्यमंत्री फडणवीस यांनी माझा धनगर एसटी आरक्षणाबाबत सखोल अभ्यास झाला असून याबाबत माझ्याकडे धनगर एसटी आरक्षणाच्या बाजूने पुष्कळ असे पुरावे आहेत.  आत्तापर्यंत राजकारण्यांनी धनगर समाजाचा फक्त मतापुरताच वापर केलेला आहे. तुम्ही आम्हाला  राज्याच्या सत्तेत बसवा आमची सत्ता आल्यास पहिल्या कॅबिनेट बैठकीत आम्ही  धनगर समाजासाठी एसटी आरक्षणाची अंमलबजावणी करतो असे आश्वासन दिले होते. धनगर समाजाने विश्वास ठेऊन राज्यातील सत्तेवर त्यांना बसवले. परंतु आजपर्यंत शेकडो मीटिंग झाल्या, हजारो आंदोलन झाली, तरी सुद्धा आपण दिलेला शब्द पाळला नाही. म्हणून आमचे बांधव दीपक बोराडे  दिनांक १७ /९/ २०२५ पासून नियोजित पुण्यश्लोक अहिल्यादेवी होळकर, स्मारक अंबड, चौफुला जालना, येथे उपोषणास बसले आहेत.

    आज त्यांच्या उपोषणाचा आठवा दिवस आहे अजून पर्यंत आपण या उपोषण आंदोलनाची दखल घेतलेली नाही. आपण दोन दिवसात धनगर समाजाच्या एसटी आरक्षणाची अंमलबजावणी करावी. अन्यथा राज्यभर तीव्र आंदोलन छेडले जाईल तसेच उपोषणकर्ते दीपक बोराडे यांच्या जीवाला काही बरे वाईट झाले तर त्याची सर्वस्वी जबाबदारी सरकारची राहील.अशा आशयाचे निवेदन जिल्हाधिकाऱ्यामार्फत मुख्यमंत्री फडणवीस यांना देण्यात आले आहे. 

निवेदनावरती बबन रानगे, संजय वाघमोडे, संजय पटकारे, शहाजी सिद्ध, सागर माने, संजय काळे, प्रदीप खोत, संपत रूपने, ईश्वर यमगर, बाबासो आडुरकर, बापू शिरोले, बाबासो अनुसे, बबलू काळे, किरण अनुसे, आण्णा सिद्ध, सखाराम जानकर, रुपेश आडुरकर, धोंडीराम कात्रट, राजू धोंडगे, कृष्ण पटकारे, महादेव वाकक्षे, अमोल शिसाळ , सागर धनगर, आदित्य शिसाळ, लिंबाजी हजारे, विजय गोरड, खानु धनगर, सुनील शेळके , निवास कोळेकर , विजय गावडे, दादासो गावडे, श्रावण गावडे, कोंडीबा अडुळकर, प्रवीण वाघमोडे, आनंदा डफडे,  मेघना गावडे, दत्ता बोडके, राघू हजारे, यशोदा हजारे, बापू पुजारी, संदीप गावडे, राजू पुजारी, योगिता घुले, संतोष मस्के, अमर पुजारी विकास घार्गे, इत्यादींच्या सह्या असून जिल्हाधिकारी कार्यालयात धनगर समाज बांधव मोठ्या संख्येने उपस्थित होते.