सहकार महर्षि अभियांत्रिकी महाविद्यालया मध्ये छत्रपती शिवाजी महाराज यांचा राज्याभिषेक दिन संपन्न

सहकार महर्षि अभियांत्रिकी महाविद्यालया मध्ये छत्रपती शिवाजी महाराज यांचा राज्याभिषेक दिन संपन्न

वृत्त एकसत्ता न्यूज

आकाश भाग्यवंत नायकुडे, मुंबई.

दिनांक 06/06/2025 :

सहकार महर्षि शंकरराव मोहिते पाटील इन्स्टिट्यूट ऑफ टेक्नॉलॉजी अँड रिसर्च शंकरनगर, अकलूज या अभियांत्रिकी महाविद्यालयामध्ये छत्रपती शिवाजी महाराज यांचा ३५१ वा राज्याभिषेक दिन उत्साहात साजरा करण्यात आला. यावेळी महाविद्यालयाचे समन्वयक, कार्यालयीन अधिक्षक, सर्व विभागाचे विभाग प्रमुख शिक्षक शिक्षकेत्तर कर्मचारी व विद्यार्थी उपस्थित होते. 

महाविद्यालयाचे समन्वयक  पोपट भोसले-पाटील  यांचे हस्ते छत्रपती शिवाजी महाराज यांच्या प्रतिमेचे पूजन करण्यात आले.  त्यानंतर मेकॅनिकल विभागाचे प्रा. जोतिराम कपने यांनी छत्रपती शिवाजी महाराज यांच्या विषयी आपले मनोगत व्यक्त करताना सांगितले कि शिवाजी महाराजांचा राज्याभिषेक हा केवळ एका राजाचा सिंहासनारोहण नव्हता, तो होता जनतेच्या स्वाभिमानाचा विजय, स्वराज्याचा आरंभ, आणि हजारो वर्षाच्या गुलामगिरीवर झालेला प्रहार. सदर कार्यक्रम यशस्वीरित्या पार पाडण्यासाठी समन्वयक व सूत्रसंचालन म्हणून  शैलेंद्र फुले व आनंद माने यांनी काम पाहीले.