वृत्त एकसत्ता न्यूज
आकाश भाग्यवंत नायकुडे, मुंबई.
दिनांक 21/06/2025 :
सहकार महर्षि शंकरराव मोहिते पाटील इन्स्टिट्यूट ऑफ टेक्नॉलॉजी अँड रिसर्च, शंकरनगर - अकलूज या अभियांत्रिकी महाविद्यालयांमध्ये २१ जून २०२५ रोजी ११ व्या आंतरराष्ट्रीय योग संगम दिनाचे आयोजन महाविद्यालय विकास समितीच्या अध्यक्षा कु. स्वरूपाराणी जयसिंह मोहिते-पाटील यांच्या मार्गदर्शनाखाली करण्यात आल्याची माहिती महाविद्यालयाचे प्राचार्य डॉ. प्रवीण ढवळे यांनी दिली. शिक्षकांच्या व विद्यार्थ्यांच्या आरोग्यासाठी योगाचे फायदे सर्वांपर्यंत पोहोचवणे, निरोगी जीवनशैलीचा प्रचार करणे आणि भारताच्या प्राचीन परंपरेचे महत्व जागतिक स्तरावर अधोरेखित करणे या उद्देशाने योग संगम दिनाचे आयोजन केलेले होते . त्यामध्ये शिक्षक, शिक्षकेत्तर कर्मचारी व विद्यार्थ्यांनी मोठ्या प्रमाणात सहभाग नोंदवला.
या योग कार्यशाळेमध्ये योगा अभ्यासिका सौ. वैशाली शिंदे-साळुंखे यांचे मार्गदर्शन लाभले. सदर योग कार्यशाळा यशस्वीरित्या पार पाडण्यासाठी कार्यक्रमाचे समन्वयक म्हणून महाविद्यालय समन्वयक पोपट भोसले-पाटील व शैलेंद्र फुले यांनी काम पाहिले.
0 टिप्पण्या