🟪 "ए.आय.तंत्राज्ञान योजनेत जास्तीत जास्त शेतकऱ्यांनी सहभाग घ्यावा"- डॉ. यशवंत कुलकर्णी 🟩 कर्मयोगी सुधाकरपंत परिचारक पांडुरंग सहकारी साखर कारखाना मिल रोलरच पूजन संपन्न

🟪 "ए.आय.तंत्राज्ञान योजनेत  जास्तीत जास्त शेतकऱ्यांनी  सहभाग घ्यावा"- डॉ. यशवंत कुलकर्णी

🟩 कर्मयोगी सुधाकरपंत परिचारक पांडुरंग सहकारी साखर कारखाना मिल रोलरच पूजन संपन्न

वृत्त एकसत्ता न्यूज

आकाश भाग्यवंत नायकुडे, मुंबई.

दिनांक 20/06/2025 : "ए.आय.तंत्राज्ञान योजनेत  जास्तीत जास्त शेतकऱ्यांनी  सहभाग घ्यावा" असे आवाहन कार्यकारी संचालक डॉ. यशवंत कुलकर्णी यांनी कारखाना कार्यस्थळी केले. श्रीपूर (तालुका माळशिरस, जिल्हा सोलापूर) येथील कर्मयोगी सुधाकरपंत परिचारक पांडुरंग सहकारी साखर कारखान्याच्या सन 2025-26 या गळीत हंगामाचा मिल रोलर पूजन कारखान्याचे माजी चेअरमन, संचालक दिनकरराव मोरे यांचे शुभहस्ते व व्हा. चेअरमन कैलास खुळे,उमेशराव परिचारक, सर्व संचालक, अधिकारी यांचे उपस्थितीत करण्यात आले त्याप्रसंगी मार्गदर्शन करताना ते बोलत होते. 

पुढे बोलताना बोलताना कारखान्याचे कार्यकारी संचालक डॉ. यशवंत कुलकर्णी यांनी माहिती दिली की, कर्मयोगी सुधाकरपंत परिचारक पांडुरंग सहकारी साखर कारखान्याकडे गळीत हंगाम 2025-26 साठी सुमारे 11,500 हेक्टर क्षेत्राच्या ऊस नोंदी असून त्यामधून उपलब्ध होणाऱ्या संपुर्ण ऊसाचे वेळेत गाळप केले जाणार आहे. कारखान्यामार्फत ऊस उत्पादक शेतकऱ्यांसाठी ऊस विकासाच्या विविध योजना मोठया प्रमाणात राबविण्यात येत असुन त्याद्वारेही ऊस उत्पादक शेतकऱ्यांना सुधारित ऊस बेणेची लागवड करुन उत्पादनामध्ये वाढ करता आली आहे. 

ऊस उत्पादक शेतकऱ्यांना जास्तीत जास्त ऊस उत्पादन घेता यावे व त्यामध्येही आधुनिकरणाचा वापर व्हावा, यासाठी नुकतेच ए.आय.तंत्राज्ञान विकसीत झाले असुन त्याचाही ऊस उत्पादकांना जास्तीत जास्त उपयोग व्हावा यासाठी कारखाना स्तरावरुन ए.आय.तंत्रज्ञानाचा प्रसार  करण्यात येत आहे. ए.आय.तंत्राज्ञान ही योजना कारखाना, शेतकरी व वसंतदादा शुगर इन्स्टीटयुट यांच्या संयुक्त विद्यमाने राबवली जाणार असुन  जास्तीत जास्त शेतकऱ्यांनी यामध्ये सहभाग घ्यावा असे अवाहनही करण्यात आले. गळीत हंगाम 2025-26 साठी ऊस तोडणीसाठी आवश्यक असणारी ऊस तोडणी वाहतुक यंत्रणा उभारली जात असुन करार प्रक्रिया सुरु आहे. त्याचप्रमाणे ऑफ सिझनमधील सर्व कामे करण्यात येत असुन ती लवकरच पुर्ण होतील असेही ते म्हणाले.  यावेळी कारखान्याचे व्हा.चेअरमन कैलास खुळे, संचालक दिनकरराव मोरे, उमेशराव परिचारक, दिलीपराव चव्हाण, ज्ञानदेव ढोबळे, बाळासाहेब यलमर, लक्ष्मण धनवडे, भास्कर कसगावडे,     भैरु वाघमारे, गंगाराम विभुते, सुदाम मोरे,  विजय जाधव, किसन सरवदे, दाजी पाटील, दिलीप गुरव, शामराव साळुंखे आणि कारखान्याचे कार्यकारी संचालक डॉ.यशवंत कुलकर्णी व अधिकारी उपस्थित होते.