सहकार महर्षि अभियांत्रिकी महाविद्यालयामध्ये एम.एच.टी.- सी.ई.टी. २०२५ मॉक टेस्ट संपन्न
वृत्त एकसत्ता न्यूज
आकाश भाग्यवंत नायकुडे
मुंबई दिनांक 08/04/2025 :
अकलूज ( तालुका माळशिरस, जिल्हा सोलापूर) येथील सहकार महर्षि शंकरराव मोहिते पाटील इन्स्टिट्यूट ऑफ टेक्नॉलॉजी अँड रिसर्च, शंकरनगर अकलूज या अभियांत्रिकी महाविद्यालयांमध्ये २१मार्च २०२५ ते ५ एप्रिल २०२५ या कालावधीमध्ये २०२५ एम.एच.टी.- सी.ई.टी.मॉक टेस्ट महाविद्यालय विकास समितीच्या अध्यक्षा कु. स्वरूपाराणी जयसिंह मोहिते पाटील यांच्या मार्गदर्शनाखाली संपन्न झाल्याची माहिती महाविद्यालयाचे प्राचार्य डॉ. प्रवीण ढवळे यांनी दिली. या कार्यक्रमाचे आयोजन बारावीच्या विद्यार्थ्यांसाठी एम.एच.टी.- सी.ई.टी.च्या परीक्षेची उजळणी, सॉफ्टवेअरची माहिती व त्याचबरोबर परीक्षेस कसे सामोरे जावे याचे मार्गदर्शन विद्यार्थ्यांना लाभावे या उद्धेशाने करण्यात आलेले होते. सदर कार्यक्रमास ३७५ विद्यार्थ्यांनी आज अखेर पर्यंत उपस्थिती दर्शवली आहे. या मॉक टेस्ट मुळे आत्मविश्वास वाढल्याची भावना विद्यार्थ्यामधून होत आहे. तसेच ग्रामीण भागातील नॅक अ मुल्यांकन प्राप्त अभियांत्रिकी महाविद्यालय व महाविद्यालयामधील सुविधा पाहुन विद्यार्थ्यानी समाधान व्यक्त केले.
सदर कार्यक्रमाचे समन्वयक म्हणून प्रा. देशपांडे जी.जी. व प्रा.कोकरे ए.जे. यांनी काम पाहिले असुन सर्व विभागाचे विभाग प्रमुख यांचे मार्गदर्शनाखाली कार्यक्रम यशस्वीरित्या संपन्न झाला.
0 टिप्पण्या