🟢 मुदतीत एफआरपी (फेअर अँड रेम्युनरेटिव्ह प्राईस) रक्कम न दिल्यामुळे 15 साखर कारखान्यांना जप्तीची नोटीस

 🟢 मुदतीत एफआरपी (फेअर अँड रेम्युनरेटिव्ह प्राईस) रक्कम न दिल्यामुळे 15 साखर कारखान्यांना जप्तीची नोटीस  

वृत्त एकसत्ता न्यूज

आकाश भाग्यवंत नायकुडे

मुंबई दिनांक 10/04/2025 :

राज्यातील ऊस उत्पादक शेतकऱ्यांना ठरलेल्या मुदतीत एफआरपी (फेअर अँड रेम्युनरेटिव्ह प्राईस) रक्कम न दिल्यामुळे साखर आयुक्तालयाने राज्यातील 15 साखर कारखान्यांना जप्तीची नोटीस बजावली आहे. संबंधित कारखान्यांकडून 246 कोटी 45 लाख रुपयांची थकबाकी आहे.

या कारवाईमध्ये सोलापूर जिल्ह्यातील 10, अहमदनगर जिल्ह्यातील 2, सातारा जिल्ह्यातील 2 आणि छत्रपती संभाजीनगरमधील 1 अशा एकूण 15 साखर कारखान्यांचा समावेश आहे. एफआरपी थकवणं हे कायद्यानुसार शिक्षेस पात्र असून, यासंदर्भात रेव्हेन्यू रिकव्हरी सर्टिफिकेट (RRC) जारी करण्यात आले आहे.

 ही आहेत थकबाकीदार साखर कारखाने

लोकमंगल अॅग्रो इंड. लि., बिबी दारफळ

लोकमंगल शुगर इथेनॉल अँड को-जनरेशन

भिमाशंकर शुगर मिल्स लि., पारगाव

जयहिंद शुगर्स प्रा. लि., आचेगाव

श्री संत दामाजी सहकारी साखर कारखाना, मंगळवेढा

सिद्धनाथ शुगर मिल्स लि., उत्तर सोलापूर

इंद्रेश्वर शुगर मिल्स प्रा. लि.

धाराशिव शुगर लि., सांगोला

अहमदनगर जिल्हा :

स्वामी समर्थ शुगर अँड अॅग्रो इंड. लि., नेवासा

श्री गजानन महाराज शुगर, संगमनेर

सातारा जिल्हा:

खंडाळा तालुका शेतकरी सहकारी साखर कारखाना

किसनवीर सातारा सहकारी साखर कारखाना

छत्रपती संभाजीनगर:

सचिन घायाळ शुगर्स प्रा. लि., पैठण

जिल्हाधिकाऱ्यांकडे वसुलीची जबाबदारी

साखर आयुक्तालयाने RRC नोटीस बजावल्यानंतर, संबंधित जिल्हाधिकाऱ्यांना जप्तीची कारवाई करण्याचा अधिकार देण्यात आला आहे. जर संबंधित कारखान्यांनी दिलेल्या मुदतीत थकबाकी भरली नाही, तर जिल्हाधिकारी जप्तीची कारवाई करणार आहेत. थकबाकी भरल्यानंतरच कारखाना आयुक्तालयाकडे अर्ज करून RRC नोटीस रद्द करू शकतो.