सहकार महर्षी अभियांत्रिकी महाविद्यालयामध्ये पालक-शिक्षक मेळावा संपन्न
वृत्त एकसत्ता न्यूज
आकाश भाग्यवंत नायकुडे
मुंबई दिनांक 27/02/2025 : अकलूज येथील सहकार महर्षी शंकरराव मोहिते-पाटील इन्स्टिटयूट ऑफ टेक्नॉलॉजी अँड रिसर्च,शंकरनगर-अकलूज या अभियांत्रिकी महाविद्यालयामधील पदविका इलेक्ट्रिकल इंजिनीरिंग विभागामध्ये महाविद्यालयीन विकास समिती अध्यक्षा स्वरूपाराणी जयसिंह मोहिते पाटील यांच्या मार्गदर्शनाखाली दि. २५/०२/२०२५ रोजी पालक-शिक्षक मेळावा झाल्याची माहिती महाविद्यालयाचे प्राचार्य डॉ. प्रवीण ढवळे सर यांनी दिली. कार्यक्रमाची औपचारिक सुरुवात प्रा. भाकरे पी. एल यांच्या स्वागतपर भाषणाने झाली. आणि पुढील मनोगत विभाग प्रमुख प्रा. कांबळे एस. एस. यांच्याकडे सुपूर्द करण्यात आले. सर्वप्रथम त्यांनी सर्व प्राध्यापक सदस्यांची पालकांशी ओळख करून दिली. त्यांनी विभागामध्ये वर्षभर चालणाऱ्या शैक्षणिक क्षेत्रातील तसेच शैक्षणिक व्यतिरिक्त उपक्रमाबद्दलची माहिती पालकांना सांगितली. तसेच विद्यार्थी आणि पालक या दोघांच्या जबाबदाऱ्या आणि कर्तव्ये यावर भाष्य केले. त्यानंतर विद्यार्थ्यांची उपस्थिती आणि प्रथम चाचणी चे गुण संबंधित मार्गदर्शकांनी पालकांना दाखवले. अभ्यासात दुर्लक्ष करणाऱ्या विद्यार्थ्यांना त्यांची अभ्यासातील कामगिरी सुधारण्याचा सल्ला देण्यात आला. त्यानंतर पालकांनी महाविद्यालय आणि विभागातील शिक्षणाच्या गुणवत्तेबद्दल त्यांचे विचार व्यक्त केले आणि अभ्यासक्रमेतर/सह-अभ्यासक्रम उपक्रमांसाठी सुविधा आणि प्रोत्साहन दिल्याबद्दल महाविद्यालयाचे कौतुक केले जे एखाद्या व्यक्तीच्या सर्वांगीण विकासास मदत करते व विद्यार्थी आणि विभागांसाठी काही सूचना देखील दिल्या. पालकांनी कार्यक्रमासाठी खूप चांगला अभिप्राय दिला, तसेच सर्व शैक्षणिक तसेच सह-अभ्यासक्रम उपक्रमांमध्ये प्राध्यापक कर्मचाऱ्यांच्या सहभागाबद्दल आणि समुपदेशक पद्धतीचे कौतुकही केले. विद्यार्थ्यांच्या हितासाठी पालक आणि शिक्षकांनी हातात हात घालून काम करण्याची दुसरी संधी म्हणून प्रत्येकाने पाहावे, अशा प्रतिक्रिया पालकांना देण्यात आल्या. महाविद्यालयाचे प्राचार्य डॉ. ढवळे पी. ए. यांनीही सभेला संबोधित यशाचा आलेख पुढील प्रमाणे सांगितला त्यामध्ये प्रथम सत्रामध्ये इलेक्ट्रिकल विभागातील अंतिम वर्षातील अभियांत्रिकीच्या संभाजी भंडलकर (८९.००) प्रथम क्रमांक,
प्रसन्न मुळे (८८.९०) द्वितीय क्रमांक, यश जावळे (८५.१०) तृतीय क्रमांक, व इलेक्ट्रिकल विभागातील द्वितीय वर्षातील अभियांत्रिकी पदविकेच्या आदित्य सालगुडे-पाटील (८८.८२) यांनी प्रथम क्रमांक, वैष्णव बोरडे (८४.४७) द्वितीय क्रमांक, रामहरी निकम (८२.५९) यांनी तृतीय क्रमांक मिळवला आहे तसेच
इलेक्ट्रिकल विभागातील प्रथम वर्ष अभियांत्रिकी पदविकेच्या अनिकेत धानोरकर (८३.७६.), यानी प्रथम क्रमाक, गौरी जगताप (८१.४१) द्वितीय क्रमांक, तनिष्का काळे (८०.८२) तृतीय क्रमांक, मिळवला या विद्यार्थ्यांचे प्राचार्याने कौतुक केले. शेवटी प्रथम वर्ष विभाग प्रमुख झंजे यांच्या आभार प्रदर्शनाने सभेची सांगता झाली.
कार्यक्रम यशस्वीपणे पार पाडण्यासाठी कार्यक्रमाचे समन्वयक म्हणून प्रा. फुले पी.जी. यांनी काम पाहिले.
0 टिप्पण्या