नको सतरंज्या.......

नको सतरंज्या.......

वृत्त एकसत्ता न्यूज 

संकलक : आकाश भाग्यवंत नायकुडे

अकलूज दिनांक 14/7/2026 :

सतरंज्या उचलणारे कार्यकर्ते

अचानक आले भानावर

कोणाशी 'दोस्ती ' करायची

हे तर नेत्यांच्या मनावर

एक म्हणाला दुसऱ्याला

आपण तर फक्त हमाल

पुसू डोळे दोघांचेही

काढ लवकर रुमाल

घरदार विसरून ज्यांचा

अहोरात्र केला प्रचार

त्यांनी आपला जरासुद्धा

केला नाही विचार

कशाला भांडायचं आपण मित्रा

कशाला फोडायची डोकी

नेत्यांच्या बंगल्यावर पोच होतात

बिनबोभाट ' खोकी '

तुझी माझी वाट पाहताहेत

म्हातारे मायबाप

नेत्यांच्या सतरंज्या उचलणे

हेच महापाप

चार पैसे कमवू दादा

घरही लागलंय गळायला

उशीरा का होईना नेत्यांचं रूप

आज लागलंय कळायला

श्रावण बाळ होऊ आई बापाचा

बायका पोरांसाठी जगू

ताईला सुद्धा संसारात

काय हवं ते बघू

उमेदीचे दिवस जातील

नेत्यांच्या मागे फिरण्यात

काहीच नसतो अर्थ बाबा

मतलबी कळपात शिरण्यात

किराणा वाला आजच म्हणाला

थकबाकी करा चुकती

कष्टाशिवाय आपल्या जवळ

नाहीच दुसरी युक्ती

इथून पुढच्या आयुष्यात

घराशीच फक्त युती

घरच्या सतरंज्या उचलणे

हीच ठरवलीय नीती

©®मुरारी देशपांडे

9850415744