सहकार महर्षि'च्या विद्यार्थ्यांचे विद्यापीठाशी संलग्नित विभागीय क्रीडा स्पर्धा मध्ये घवघवीत यश
वृत्त एकसत्ता न्यूज
आकाश भाग्यवंत नायकुडे,
मुंबई दिनांक 17/11/2025 :
डॉ. बाबासाहेब आंबेडकर तंतशास्त्र विद्यापीठ, लोणेरे अंतर्गत विभागीय क्रीडा स्पर्धा दिनांक १६ नोव्हेंबर २०२५ रोजी कर्मयोगी इन्स्टिट्यूट ऑफ टेक्नॉलॉजी, शेळवे पंढरपूर येथे पार पडल्या. या स्पर्धेत सहकार महर्षि शंकरराव मोहिते पाटील इन्स्टिट्यूट ऑफ टेक्नॉलॉजी अँड रिसर्च, शंकरनगर- अकलूज येथील विद्यार्थ्यांनी घवघवीत यश संपादन केले. अशी माहिती महाविद्यालयाचे प्राचार्य डॉ . प्रवीण ढवळे यांनी दिली.
सदरच्या स्पर्धामध्ये रनिंग, थाळीफेक, गोळा फेक, भालाफेक, लांब उडी, उंच उडी अशा विविध स्पर्धा विद्यापीठाशी संलग्नित असलेल्या संस्थेमध्ये पार पडल्या. स्पर्धेत बि.टेक. द्वितीय वर्ष मेकॅनिकल इंजीनियरिंग विभागातील रुपेश राजेंद्र नाईकनवरे याने ४००मिटर रनिंग मध्ये द्वितीय क्रमांक व १०० मिटर रनिंग मध्ये तृतीय क्रमांक पटकाविला आहे. तसेच बी. टेक. मेकॅनिकल विभागातील रुद्रतेज अमरसिंह माने देशमुख याने थाळीफेक मध्ये तृतीय क्रमांक पटकावला आहे.
द्वितीय वर्ष इलेक्ट्रिकल इंजीनियरिंग विभागातील युवराज धोंडीबा सूळ याने १५०० मीटर रनिंग मध्ये द्वितीय क्रमांक पटकावला आहे.
प्रथम वर्ष मेकॅनिकल इंजीनियरिंग विभागातील क्रिश नामदेव आयवळे याने उंच उडी मध्ये द्वितीय क्रमांक पटकावला तसेच द्वितीय वर्ष ए.आय.डी.एस. विभागातील शिवराज विठ्ठल कापसे याने ५०००मीटर रनिंग मध्ये तिसरा क्रमांक पटकावला आहे.
विजेत्या विद्यार्थ्यांचे संस्थेचे अध्यक्ष जयसिंह शंकरराव मोहिते पाटील, महाविद्यालय विकास समितीच्या अध्यक्षा स्वरूपाराणी जयसिंह मोहिते पाटील, संस्थेचे सचिव राजेंद्र चौगुले व महाविद्यालयाचे प्राचार्य डॉ. प्रवीण ढवळे यांनी विशेष कौतुक केले व पुढील वाटचालीस शुभेच्छा दिल्या.
तसेच सर्व विभागाचे विभाग प्रमुख, शिक्षक व शिक्षकेत्तर कर्मचारी यांनी अभिनंदन केले सदरच्या विद्यार्थ्यांना मार्गदर्शक म्हणून क्रिडा शिक्षक प्रा. विकास शिवशरण यांनी काम पाहिले.
0 टिप्पण्या