.

 

💢 पितृपक्षातील पितरांची पुजा 

वृत्त एकसत्ता न्यूज 

संकलक : आकाश भाग्यवंत नायकुडे 

मुंबई दिनांक 10/09/2025 :

 आपली संतती जर जीवनात यशस्वी वाटचाल करित असेल आणि आपल्या वंशाचे किंवा खानदानाचे नाव रोशन करित असेल तर आपल्याला आनंद होईल जसे

विविध क्षेत्रात यश मिळविणे,नवीन वास्तू घेणे, वाहन खरेदी करणे, किंवा धार्मिक सोहळे साजरे करणे इ.आणि तीच संतती वाईट वागत असेल जसे व्यसनाधीन, जुगारी, सट्टेबाज,कर्जबाजारी, चंगळवादी, व्यभिचारी, इ.तर आपणास राग येईल तसेच पितरांचे आहे पितर म्हणजे म्हणजे आपले पूर्वज मायबापच एक पवित्र आत्मे ते अंतरिक्षातुन पृथ्वीतलावर हया काळात आगमन करतात असे मानले जाते आपली प्रगती,आपले स्वच्छ निर्मळ आचरण, धार्मिक भक्तिभावपणा, कुटूंबातील प्रेम सौहार्दता,पाहून तर ते नक्कीच आनंदीत होणारच आहेत त्यामुळे हया काळात चांगले कार्य करण्यास अटकाव का आहे ? हे समजत नाही असो. 

माझ्या सहयोगी मित्रांनो भाद्रपद प्रतिपदा ते अमावस्या पर्यंतच्या पंधरावड्याला पितृपक्ष असे म्हणतात हा कृष्णपक्ष असून यास महालय असे सुध्दा म्हटले जाते 

हया पंधरावडयात आपल्या पितरांचे वास्तव्य पृथ्वीतलावर असते असे समजले जाते 

ह्या कालावधीत सर्वांनी आपले आचरण शरिराने मनाने सात्विक ठेवावे आपल्या घाणेरड्या सवयी हया दिवसात अंगीकारू नये त्यांचा त्याग करावा कुटूंबात एकोप्याने राहावे सहसा आपले घर सोडून बाहेरगावी किंवा तिर्थयात्रेला जाऊ नये कारण आपण पितरांच्या सान्निध्यात व त्यांच्या दृष्टीत असतो 

वर मी म्हटल्या प्रमाणे शुध्द निर्मळ आचरण ठेवावे जेणे करुन आपणांस पितरांचे आशिर्वाद प्राप्त होतील असो.

पितृ पंधरावड्याच्या पहिल्या दिवशी सकाळी 

उत्तरेच्या भिंतीला टेकून एक पाट किंवा चौरंग ठेवावा व त्यावर एक स्वच्छ वस्त्र अंथरावे. आपल्या घरातील मृत व्यक्तींचे फोटो स्वच्छ पुसुन त्यावर ठेवावेत जेणे करून त्यांची मुखे दक्षिणेला येतील.

फोटोंना गंध लावून बुक्का लावावा फुले वाहवीत व अगरबत्ती व तेलाच्या दिव्याने त्यांना ओवाळावे नंतर घरातील जेवणातील एक मुद भात घेऊन त्यावर तुपसाखर घालून नैवेद्य दाखवावा व नमस्कार करावा व माझ्या घरात सुख शांती धन ऐश्वर्य द्यावे अशी आपल्या पुर्वजांना मनापासून कळकळीने प्रार्थना करावी त्यानंतर पाटाच्या बाजुला बसुन दक्षिणेकडे आपले मुख करून खालील पितृस्तोत्र बोलावे

ह्या पितृपक्षात आपल्या पितरांचे आशिर्वाद व त्यांची कृपा प्राप्त होण्यासाठी गरूड पुराणातील पितृस्तोत्र खुप प्रभावी आहे 

नंतर तो नैवेद्य घरातील सर्वांना प्रसाद म्हणून घ्यावा 

हा नैवेद्य पितरांच्या स्तुतीमुळे पवित्र झाल्यामुळे आपल्या शरीरातील अनेक दोषपीडा यांचे निवारण होते 

तसेच ज्यांना पितृदोष आहे त्यांनी हे स्तोत्र रोज घरी 

म्हणावे कमीतकमी अमावस्या व पोर्णिमा हया दिवशी तरी जरूर म्हणावे 

पितृ स्तोत्र हे स्त्रीप्राप्ती ,उत्तम पुत्रप्राप्ती , पितरांची तृप्ती ,पितृ दोष नाहीसे होण्याकरता कायम पठण ,श्रवण करावे या पितृ पंधरवड्यात विशेष रोज पठण करावे 

रुची (स्तोत्र कर्ता ) याला पितरांनी आशिर्वाद दिला आहे जे कोणी या स्तोत्राने आमची स्तुती करतील त्यांना मनोवांच्छित भोग,आत्मज्ञान ,निरोगी शरीर,धन ,पुत्र,पौत्र देऊ ,श्राद्ध प्रसंगी पठण केले तर आम्ही तिथे उपस्थित राहू थोडक्यात पितरांची तृप्ती करणारे हे स्तोत्र आहे.याचा जरूर उपयोग करावा व अन्नदान करावे.

पितृ -स्तोत्र :

अर्चितानाममूर्तानां पितृणां दीप्ततेजसाम्।

नमस्यामि सदा तेषां ध्यानिनां दिव्यचक्षुषाम्।।

इन्द्रादीनां च नेतारो दक्षमारीचयोस्तथा।

तान् नमस्याम्यहं सर्वान् पितृनप्सूदधावपि।।

नक्षत्राणां ग्रहाणां च वाय्वग्न्योर्नभसस्तथा।

द्यावापृथिव्योश्च तथा नमस्यामि कृतांजलिः।।

देवर्षीणां जनितृंश्च सर्वलोकनमस्कृतान्।

अक्षय्यस्य सदा दातृन् नमस्येऽहं कृतांजलिः।।

प्रजापतं कश्यपाय सोमाय वरूणाय च।

योगेश्वरेभ्यश्च सदा नमस्यामि कृतांजलिः।।

नमो गणेभ्यः सप्तभ्यस्तथा लोकेषु सप्तसु।

स्वयम्भुवे नमस्यामि ब्रह्मणे योगचक्षुषे।।

सोमाधारान् पितृगणान् योगमूर्तिधरांस्तथा।

नमस्यामि तथा सोमं पितरं जगतामहम्।।

अग्निरूपांस्तथैवान्यान् नमस्यामि पितृनहम्।

अग्निषोममयं विश्वं यत एतदशेषतः।।

ये तु तेजसि ये चैते सोमसूर्याग्निमूर्तयः।

जगत्स्वरूपिणश्चैव तथा ब्रह्मस्वरूपिणः।।

तेभ्योऽखिलेभ्यो योगिभ्यः पितृभ्यो यतमानसः।

नमो नमो नमस्ते मे प्रसीदन्तु स्वधाभुजः I

स्तोत्र वाचन झाल्या नंतर पितरदेवताभ्यो नमः 

असे पाच वेळा म्हणून जमीनीवर डोके टेकवून नमस्कार करावा

वरील पुजा आपण पितृपक्षात न चुकता करायची आहे 

सर्वपित्री अमावस्या झाल्या नंतर मृतांचे फोटो काढून ठेवायचे आहेत.

✍️rst 

श्री स्वामी समर्थ