सहकार महर्षि अभियांत्रिकी महाविद्यालयातील डिप्लोमा संगणक अभियांत्रिकी विभागाची कोल्हापूरमधील वॉलस्टार टेक्नॉलॉजी प्रायव्हेट लि. कंपनीस भेट.
वृत्त एकसत्ता न्यूज
आकाश भाग्यवंत नायकुडे
मुंबई दिनांक 10/03/2025 : अकलूज येथील सहकार महर्षि शंकरराव मोहिते-पाटील इन्स्टिटयूट ऑफ टेक्नॉलॉजी अँड रिसर्च,शंकरनगर-अकलूज या अभियांत्रिकी महाविद्यालयामधील पदविका तृतीय वर्ष संगणक अभियांत्रिकी इंजिनीरिंग विभागामधील विद्यार्थ्यांची विकास समिती अध्यक्षा स्वरूपाराणी जयसिंह मोहिते पाटील यांच्या मार्गदर्शनाखाली कोल्हापूरमधील वॉलस्टार टेक्नॉलॉजी प्रायव्हेट लि. विभागास भेट देण्यात आल्याची माहिती महाविद्यालयाचे प्राचार्य डॉ. प्रवीण ढवळे यांनी दिली. विद्यार्थ्यांना उद्योग कामकाजाची ओळख करून देण्यासाठी आणि शैक्षणिक शिक्षण आणि वास्तविक जगाचे अंतर कमी करण्यासाठी ही भेट आयोजित करण्यात आली होती. २०१७ मध्ये स्थापन झालेली वॉलस्टार टेक्नॉलॉजी प्रायव्हेट लिमिटेड ही एक आघाडीची वेब डिझाइन आणि मोबाइल ॲप डेव्हलपमेंट कंपनी म्हणून उदयास आली आहे. त्यांच्या सेवांमध्ये कस्टम वेब डिझाइन, प्रगत वेब डेव्हलपमेंट, ई-कॉमर्स प्लॅटफॉर्म, मोबाइल ॲप्लिकेशन डेव्हलपमेंट, डिजिटल मार्केटिंग यांचा समावेश आहे. अपवादात्मक मूल्य प्रदान करण्याच्या , वॉलस्टारने कोल्हापूर येथील त्यांच्या मुख्यालयातून आणि अमेरिकेतील टेक्सास आणि ऑस्ट्रेलियातील क्वीन्सलँड येथील कार्यालयांमधून जागतिक स्तरावर ग्राहकांना सेवा देऊन उत्कृष्टतेसाठी प्रतिष्ठा निर्माण केली आहे. विद्यार्थ्यांना कंपनीचे ध्येय, दृष्टी आणि त्यांनी दिलेल्या सेवांच्या श्रेणीची ओळख करून देण्यात आली. या सत्रात वेब आणि मोबाइल ॲप्लिकेशन डेव्हलपमेंटमधील नवीनतम ट्रेंड्स तसेच डिजिटल सोल्यूशन्स उद्योगातील आव्हाने आणि संधींबद्दल विद्यार्थ्यांना मार्गदर्शन करण्यात आले. विद्यार्थ्यांनी वेब डेव्हलपमेंट, मोबाइल ॲप डेव्हलपमेंट आणि डिजिटल मार्केटिंगसह विविध विभागांना भेट दिली.
या इंडस्ट्रियल व्हिजिट चे नियोजन कॉम्प्युटर इंजिनिअर डिप्लोमा विभाग प्रमुख प्रा.फडे जी .एम आणि समन्वयक प्रा. शेख व्ही .एम, प्रा.गोडसे आर.सी., प्रा.देशमुख एस . आर., प्रा.ननवरे एम. एम. यांनी काम पाहिले.
0 टिप्पण्या