🔵 भारतातील सर्वाधिक चुकीचे उच्चारले जाणारे इंग्रजी शब्द

 

विश्वसंचार

🔵 भारतातील सर्वाधिक चुकीचे उच्चारले जाणारे इंग्रजी शब्द 

वृत्त एकसत्ता न्यूज 

संकलक : आकाश भाग्यवंत नायकुडे, मुंबई.

दिनांक : 02/01/2026

अमेरिकेनंतर भारत हा जगातील दुसर्‍या क्रमांकाचा इंग्रजी बोलणारा देश आहे. तरीही, भारतात असे अनेक शब्दांचे सर्रास चुकीचे उच्चार केले जातात. २०२५ मध्ये काही सुप्रसिद्ध शब्दांचा उच्चार नेमका कसा असावा, हे शोधण्यासाठी लोक सतत ऑनलाईन सर्च करत होते. क्रोसा किंवा गिबलीसारखे इतर भाषांतून आलेले शब्द गोंधळ निर्माण करू शकतात. याशिवाय, अमेरिकन आणि ब्रिटिश हेलमुळे ही गुंतागुंत अधिक वाढते. खाली १ जानेवारी २०२५ ते २४ नोव्हेंबर २०२५ या कालावधीतील गुगल सर्च ट्रेंडच्या डेटावर आधारित, भारतातील सर्वाधिक चुकीचे उच्चारल्या जाणार्‍या टॉप १० शब्दांची यादी दिली आहे :

*Croissant (२,०६,४०० सर्च)*

क्रोसाँ हा एक फ्रेंच पेस्ट्रीचा प्रकार आहे. अनेक जण याचा उच्चार क्रॉय-सँट (kroy-sant) करतात, परंतु योग्य उच्चार क्र्वा-साँ (krwa-son) असा आहे, ज्यामध्ये शेवटीचा उच्चार केला जात नाही.

*Ghibli (१,२४,८०० सर्च)*

स्टुडिओ गिबली सध्या चॅट जीपीटीमधील एआय ट्रेंडमुळे चर्चेत आहे. याचा उच्चार अनेकदा “जिब-ली” केला जातो; पण योग्य उच्चार “गि-बली” (gib-lee)) असा आहे, ज्यात ग चा उच्चार स्पष्ट होतो.

*Schedule (१,१२,८०० सर्च)*

भारतीय लोक सहसा याचा उच्चार “शेड-युल” (shed-yool) करतात. ब्रिटिश इंग्रजीनुसार शेड-युल योग्य आहे, तर अमेरिकन इंग्रजीनुसार ‘स्के-जुल” असा उच्चार केला जातो.

*Dachshund (८८,८०० सर्च)*

ही कुत्र्यांची एक प्रजाती आहे आणि याचा उच्चार चुकीच्या पद्धतीने डॅश-हाऊंड केला जातो. याचा योग्य उच्चार डॅक्स-हंड (daks-hund) असा आहे.

*Accent (९४,८०० सर्च)*

अ‍ॅक्सेंट म्हणजे शब्दांच्या उच्चाराची विशिष्ट पद्धत. अनेक जण चुकीच्या अक्षरावर जोर देतात. याचा योग्य उच्चार अ‍ॅक-सेंट (ak-sent)) असा आहे, अ‍ॅक्स-सेंट नाही.

*Poem (९२,००० सर्च)*

याचा उच्चार अनेकदा पॉय-एम” असा केला जातो; परंतु योग्य उच्चार पो-एम (po-em) असा आहे, ज्यामध्ये दोन स्पष्ट स्वर आहेत.

 *Women (९१,२०० सर्च )*

हा अतिशय सामान्य शब्द असूनही लोक woman (एकवचन) आणि woman (अनेकवचन) मध्ये गोंधळ करतात. अनेकवचनी शब्दाचा योग्य उच्चार वि-मिन (wi-min) असा आहे, वू-मेन नाही.

*Genre (८६,४०० सर्व)*

याचा चुकीचा उच्चार सहसा जेन-री असा केला जातो. याचा योग्य उच्चार झाॅन-र (zhon-ruh) असा आहे.

*Audio (८४,२००सर्च)*

अनेक जण ऑ-डि-यो म्हणतात. याचा योग्य उच्चार ऑ-डी-ओ असा आहे.

Water (८४,००० सर्च)

सहसा याचा उच्चार वा-टर (waw-ter) असा होतो. जो तुमच्या लहेजावर (accent) अवलंबून असतो.