सहकार महर्षि कारखान्याचे सहवीज प्रकल्पास "देशातील सर्वोत्कृष्ट सहवीज निर्मिती प्रकल्प" पुरस्कार प्रदान

 

सहकार महर्षि कारखान्याचे सहवीज प्रकल्पास

"देशातील सर्वोत्कृष्ट सहवीज निर्मिती प्रकल्प" पुरस्कार प्रदान

वृत्त एकसत्ता न्यूज

आकाश भाग्यवंत नायकुडे

मुंबई दिनांक 21/04/2025 :

शंकरनगर - अकलूज (तालुका माळशिरस, जिल्हा सोलापूर महाराष्ट्र राज्य) येथील सहकार महर्षि शंकरराव मोहिते-पाटील सहकारी साखर कारखान्याच्या सहवीज निर्मिती प्रकल्पास को-जनरेशन असोसिएशन ऑफ इंडीया यांचे वतीने सन 2024 चा "देशातील सर्वोत्कृष्ट सहवीज निर्मिती प्रकल्प" पुरस्कार प्रदान करण्यात आला.

पुरस्कार वितरण सोहळा माजी केंद्रिय कृषी मंत्री व को-जनरेशन असोसिएशन ऑफ इंडियाचे अध्यक्ष, मा.खा.शरदचंद्र पवार यांचे शुभहस्ते व सहकार मंत्री  बाबासाहेब पाटील, राष्ट्रीय सहकारी साखर संघाचे अध्यक्ष हर्षवर्धन पाटील, को-जन असोसिएशन चे उपाध्यक्ष जयप्रकाश दांडेगावकर, महासंचालक संजय खताळ, राज्य सहकारी संघाचे अध्यक्ष पी.आर. पाटील यांचे उपस्थितीत शनिवार दि.19/04/2025 रोजी संपन्न      झाला.

सदर पुरस्कार स्विकारणेसाठी कारखान्याचे व्हाईस चेअरमन शंकरराव माने-देशमुख, कार्यकारी संचालक राजेंद्र चौगुले व को-जन मॅनेजर- युवराज निंबाळकर, चिफ् इंजिनिअर व फॅक्टरी मॅनेजर- सुर्यकांत गोडसे, डेप्युटी को-जन मॅनेजर-संतोष राजेभोसले व कार्यलक्षी संचालक- रणजीत रणनवरे उपस्थित होते. 

कारखान्याचे मार्गदर्शक संचालक, महाराष्ट्र राज्याचे माजी उपमुख्यमंत्री विजयसिंह मोहिते-पाटील यांचे मार्गदर्शनाखाली व कारखान्याचे चेअरमन जयसिंह मोहिते-पाटील यांचे नेतृत्वाखाली कारखान्याची वाटचाल प्रगतीपथावर चालू आहे. 

सहकार महर्षि कारखान्यास सन 2024 चा "देशातील सर्वोत्कृष्ट सहवीज निर्मिती प्रकल्प" पुरस्कार को-जनरेशन असोसिएशन ऑफ इंडीया कडून प्रदान करणेत आला असून कारखान्यास यापूर्वी राष्ट्रीय व राज्य पातळीवरील विविध पुरस्कार प्राप्त झाले असल्याची माहिती कारखान्याचे कार्यकारी संचालक राजेंद्र चौगुले यांनी दिली. 

को-जनरेशन असोसिएशन ऑफ इंडीया यांचे वतीने सन 2024 चा "देशातील सर्वोत्कृष्ट सहवीज निर्मिती प्रकल्प" मिळाल्याने कारखान्याचे संचालक, कार्यक्षेत्रातील सभासद, ऊस उत्पादक शेतकरी, कारखान्याचे अधिकारी व कामगार तसेच हितचिंतक यांचेमध्ये आनंदाचे वातावरण पसरले आहे.