💢"कर्मयोगी" साखर कारखाना प्रत्यक्ष साखर विक्री व अहवालात नमूद आकडेवारीत मोठा फरक 🔰 सहकार कायदा नियमा नुसार कारवाई न झाल्याने सहा जानेवारीपासून उपोषणास प्रारंभ

 

💢"कर्मयोगी" साखर कारखाना प्रत्यक्ष साखर विक्री व अहवालात नमूद आकडेवारीत मोठा फरक

🔰 सहकार कायदा नियमा नुसार कारवाई न झाल्याने सहा जानेवारीपासून उपोषणास प्रारंभ 

वृत्त एक सत्ता न्यूज 

अकलूज दिनांक 7 जानेवारी 2025 : 

इंदापूर तालुक्यातील कर्मयोगी शंकररावजी पाटील सहकारी साखर कारखाना मर्यादित महात्मा फुलेनगर बिजवडी तालुका इंदापूर या कारखान्याचे चेअरमन हर्षवर्धन शहाजीराव पाटील व कार्यकारी संचालक रामदास देवराव लोकरे यांनी सन 2021- 2022, 2022- 2023, 2023-2024 या आर्थिक वर्षात झालेली साखर विक्री व वार्षिक अहवालामध्ये जमा रकमेमध्ये दाखवलेली जमा रक्कम कमी दाखवली व साखर विक्रीतील रकमेचा आर्थिक गैरव्यवहार केला आहे. अशी तक्रार रमेश नामदेवराव धवडे, राहणार भिगवण यांनी साखर आयुक्त यांच्याकडे दिनांक 23 डिसेंबर 2024 रोजी केली असून त्याची प्रत मुख्यमंत्री उपमुख्यमंत्री सहकार मंत्री इत्यादींकडे पाठविण्यात आलेली आहे.

सहकार कायदा नियमा नुसार कारवाई करण्याची मागणी निवेदनात करण्यात आली असून योग्य कारवाई न झाल्याने 6 जानेवारी 2025 पासून साखर आयुक्त कार्यालय पुणे येथे उपोषण सुरू करण्यात  आल्याची माहिती रमेश नामदेव धवडे यांनी  नॅशनल युनियन बॅकवर्ड एससी एसटी अँड मायनॉरिटी महासंघ दिल्ली आणि शरद जोशी विचार मंच शेतकरी संघटना महाराष्ट्र राज्य प्रदेश उपाध्यक्ष, संपर्कप्रमुख व प्रसिद्धीप्रमुख भाग्यवंत लक्ष्मणराव नायकुडे यांना दिली.

प्रिय बंधू भगिनींनो स्नेहपूर्वक नमस्कार

आज सोमवार दिनांक 6.1.25 पासून मी रमेश नामदेवराव धवडे    साखरआयुक्त कार्यालय पुणे येथे सोबत पाठवलेल्या संक्षिप्त तपशील   पत्रकातील मागण्यासाठी शासनाचे लक्ष वेधण्यासाठी व संबंधित कारखान्यावरील चेअरमन श्री हर्षवर्धन शहाजीराव पाटील व कार्यकारी संचालक देवराव रामदास लोकरे यांचे कार्यकारी मंडळ बरखास्त करून गैरव्यवहार झालेली रक्कम वसूल करण्यात यावी व 150 कोटी रुपये कर्जाचा हिशोब द्यावा ताळेबंद पत्रकातील येणे देणे रकमा जमा खर्च पत्रकातील रकमांची सत्यता तपासण्यात यावी म्हणून मी उपोषणास बसलेलो आहे आपले सर्वांचे सहकार्य आहेत आपले आशीर्वाद लाभावेत ही विनंती धन्यवाद!जय हिंद!!!

आपला नम्र

रमेश धवडे