.

"रत्नत्रय पतसंस्थेचे कार्य कौतुकास्पद"...शितलकुमार दोशी 

वृत्त एकसत्ता न्यूज 

आकाश भाग्यवंत नायकुडे

मुंबई दिनांक 1 जानेवारी 2025 :

सदाशिवनगर येथील रत्नत्रय पतसंस्था करीत असलेले कार्य कौतुकास्पद आहे. पतसंस्था सामाजिक बांधिलकी जपत विविध कामे  सदाशिवनगर व पंचक्रोशीत करीत असल्या मुळे हि पतसंस्था आदर्श पतसंस्था ठरली आहे असे प्रतिपादन फलटण येथील कीर्ती बुक डेपो चे मालक शितलकुमार दोशी यांनी केले. ते प्रमुख पाहुणे म्हणून प्रकाशनासाठी उपस्थित होते.  रत्नत्रय परिवाराचे संस्थापक अनंतलाल (दादा) दोशी यांच्या शुभहस्ते रत्नत्रय दिनदर्शिका 2025 चे प्रकाशन करण्यात आले. यावेळी रत्नत्रय पतसंस्थेचे चेअरमन व सदाशिवनगर  ग्रामपंचायत चे  सरपंच विरकुमार दोशी, प्रणव दोशी,  अजय गांधी, सुरेश धाईजे, विलास साळुंखे, सचिव ज्ञानेश राऊत यांच्या प्रमुख उपस्थित  दिनदर्शिका प्रकाशनाचा कार्यक्रम पतसंस्थेच्या कार्यालयात पार पडला.

 पतसंस्था ऑनलाईन व्यवहार करीत आहे. संस्थेमार्फत सभासदांना डीडी काढणे, आरटीजीएस, एनएफटी च्या माध्यमातून पैसे  पाठवणे व रोख पैसे काढणे ,आर डी व पिग्मी गोळा करणे, पिग्मी ची रक्कमा दर महा कर्ज खाते जमा करणे अशा विविध सुविधा संस्थेमार्फत सभासदांना पुरवल्या असल्यामुळे व्यवहार  सुरळीत चालू आहेत. पतसंस्थेची स्थापना 2004 रोजी परिसरातील छोट्या व्यवसायिकांना सुलभ रीतीने कर्ज मिळावे व त्याची  उन्नती व्हावी या उद्देशाने करण्यात आली असून या पतसंस्थेच्या प्रगतीस सर्व  सभासद ठेवीदार संचालक व कर्मचारी वर्ग यांचा मोठा  सहभाग असून हि  पतसंस्था सगळ्यांना चांगली सेवा देते आहे. आर्थिक व्यवहाराबरोबरच ही संस्था अनेक सामाजिक कार्य हि करून समाजसेवा करीत आहे. गेली 20 वर्ष रत्नत्रय पतसंस्था ही दरवर्षी दिनदर्शिका काढत असते तसेच सर्व जाहिरातदाराच्या  सहकार्यातून दिनदर्शिका निघत असते.  असेच प्रेम संस्थेवर राहावे.  त्याबद्दल सर्व जाहिरातदारांचे आभार  अनंतलाल (दादा) दोशी यांनी मानले व सर्वांना नवीन वर्षाच्या शुभेच्छा दिल्या. 

 दि.31/03/2024 अखेर संस्थेकडे 22 कोटी  ठेवी असून संस्थेने 18 कोटी ₹ कर्ज वाटप केलेले आहे. संस्थेचे भाग भांडवल 44 लाख रुपये असून गुंतवणूक 8 कोटी रुपये इतकी आहे. संस्थेचे वार्षिक  उलाढाल 137 कोटी असून सर्व  खर्च वजा जाता संस्थेला 29 लाख रुपये इतका नफा राहिलेला आहे. संस्थेचे व्याजदर पुढीलप्रमाणे आहेत. 46 दिवस ते 6 महिने 5%,

 7 महिने ते 12 महिने 6%,

 13 महिने ते 23 महिने 7%,

 24 महिने ते 35 महिने 8%,

 36 महिने पुढे 9%,

 दाम दुप्पट ठेव 8 वर्षे 6 महिने, तारण कर्जास व्याजदर 13% आहे. अशी माहिती संस्थेचे चेअरमन  विरकुमार दोशी यांनी दिली. आभार प्रदर्शन संस्थेचे सचिव ज्ञानेश राऊत यांनी मानले. सदर कार्यक्रम पार पडण्यासाठी संस्थेचे हेमंत कुलकर्णी, वैभव मोडासे,  मंगेश जगताप, टी.डी. देशमुख, निता रणवरे, विक्रम पालवे यांनी काम पाहिले.