💢 रस्ता नसल्याने ह्रदय विकाराचा झटका आलेल्या वृध्दाला रात्रभर घरीच थांबावे लागले 🟧 चंदगड तालुक्यातील बुझवडे धनगर वाड्यावरील घटना

वृत्त एकसत्ता न्यूज - ९/०९/२०२४ ०७:१६:०० PM

💢 रस्ता नसल्याने ह्रदय विकाराचा झटका आलेल्या वृध्दाला रात्रभर घरीच थांबावे लागले

🟧 चंदगड तालुक्यातील बुझवडे धनगर वाड्यावरील घटना..

अकलूज वैभव न्यूज नेटवर्क/ वृत्त एकसत्ता न्यूज

कोल्हापूर :- नवलू बिरू कस्तुरे( वय ७५ वर्षे) रा. बुजवडे धनगरवाडा (कुरणी) तालुका चंदगड यांना शनिवारी मध्यरात्री ह्रदय विकाराचा झटका आला परंतु रस्ता नसल्याने त्यांना सकाळपर्यंत तसेच घरात ठेवून सकाळी डालग्यात घालून मुख्य रस्त्यापर्यत आणले व नंतर खाजगी वाहनाने रुग्णालयात दाखल करण्यात आले.

याबाबत सविस्तर माहिती नवलू बिरु कस्तुरे यांना दि. शनिवार दि. ७/९/२०२५ रोजी मध्यरात्री ३ वा. अर्धांगवायूचा झटका आला. यामध्ये त्यांची शरीराची एक बाजू पूर्ण लटकी पडली. रस्ता नाही रात्रभर धोधो पाऊस पडत होता. त्यात घनदाट जंगल आणि जंगलात अस्वल, पट्टेरी वाघ, हत्ती, बिबट्या, रान कुत्र्याच्या झुंडीच्या झुंडी, या सर्व अडचणीमुळे नवलू कस्तुरे यांना हॉस्पिटलमध्ये घेऊन जाता आले नाही.

सकाळी यशवंत क्रांती संघटनेचे चंदगड तालुका अध्यक्ष, बाबु वरक, बयाजी रामु वरक , रामु धुलु कोकरे, सकोबा धुलू डोईफोडे , संजय नवलु कस्तूरे, बीरू नवलू कस्तूरे, यमाजी बाबू कस्तूरे, विठोबा बिरू कस्तुरे, धुलू विठोबा डोईफोडे, बिरु रामू कस्तुरे, पांडू विठोबा कस्तुरे , इत्यादीनी त्यांना डालग्यात घालून मुख्य रस्त्यापर्यत नेले. तेथून खासगी वाहनाने दवाखान्यात दाखल करण्यात .

देश स्वतंत्र ७६ वर्षे झाली तरीही अशा दुदैवी घटना आजही घडत आहे. नेते मात्र निवडणूक आली आश्वासन देऊन मते घेतात अन नंतर मात्र सोईस्कर पणे विसरून जातात यशवंत क्रांती संघटनेच्या माध्यमातून दुर्गम भागातील रस्ते करण्याबाबत अनेक वेळा निवेदने देण्यात आली आहेत. परंतु नेते आणि प्रशासन मात्र आजही सुस्तच आहे.