💢 ईद ए मिलाद निमित्त रक्तदान शिबिर संपन्न 🟩अकलूज नगरपरिषद मुख्याधिकारी दयानंद गोरे यांनी रक्तदान करत जपली सामाजिक बांधीलकी 🟪 ५१ रक्तदात्यांनी उत्स्फूर्तपणे रक्तदान करत मानवतेचा संदेश दिला

 

💢 ईद ए मिलाद निमित्त रक्तदान शिबिर संपन्न 

🟩अकलूज नगरपरिषद मुख्याधिकारी दयानंद गोरे यांनी रक्तदान करत जपली सामाजिक बांधीलकी

🟪 ५१ रक्तदात्यांनी उत्स्फूर्तपणे रक्तदान करत मानवतेचा संदेश दिला

अकलूज वैभव न्यूज नेटवर्क/वृत्त एकसत्ता न्यूज 

आकाश भाग्यवंत नायकुडे 

मुंबई दिनांक 18/9/ 2024 : राष्ट्रवादी काँग्रेस शरदचंद्र पवार पक्ष व सहायता वेलफेअर फाऊंडेशन यांच्या संयुक्त विद्यमाने “ईद ए मिलाद” निमित्त आयोजित रक्तदान शिबिराचे उद्घघाटन अकलूज ग्रामपंचायत चे माजी उपसरपंच पांडुरंग चांगोजीराव देशमुख व अकलूज नगरपरिषदेचे मुख्याधिकारी दयानंद गोरे यांच्या हस्ते करण्यात आले.

अकलूज शहर व परिसरातील ५१ रक्तदात्यांनी रक्तदान करून सामाजिक बांधिलकी जपत उत्स्फूर्त प्रतिसाद दिला. प्रेषित मोहम्मद पैगंबर यांचे शांतता,समानता व मानवता विचारांतून एकवटलेले शहरातील मुस्लिम समाजाचे सामाजिक चळवळीतील कार्यकर्ते आणि शरदचंद्र पवार यांच्या राष्ट्रवादी काँग्रेस पक्षाचे मुस्लिम समाजातील कार्यकर्त्यांनी एकत्र येत भव्य रक्तदान शिबिराचे आयोजन नगरपरिषद सभागृह येथे केले असल्याचे रा.काँग्रेस शप पक्ष विधानसभा कार्याध्यक्ष तथा सहायता वेलफेअर फाऊंडेशन अध्यक्ष मोहसिन शेख यांनी सांगितले.

या रक्तदान शिबिरास यावेळी अकलूज नगरपरिषदेचे कर्तव्यदक्ष मुख्याधिकारी दयानंद दादासाहेब गोरे  यांनी ही रक्तदान करत रक्तदानाचा हक्क बजावला. यावेळी सहायता वेलफेअर फाऊंडेशन उपाध्यक्ष इन्नूस बाबा सय्यद, सहसचिव समीर काझी, सदस्य फारूक शेख, वसिम पटेल, रियाज शेख, इजाज मुजावर, जैद तांबोळी, सुजीत गायकवाड, सुरेश गंभीरे, टाईम्स ९ चे संपादक नौशाद मुलाणी, नाजिरहुसेन मोहोळकर, अकलूज ग्रामपंचायत माजी सदस्य दादाभाई तांबोळी, साजिदभाई सय्यद, भैय्या माढेकर, छोटा जावेद बागवान, शशीकांत भोसले, मौलाली मकानदार, सद्दाम मकानदार, शाहरूक शेख, शाहबाज काझी यांच्यासह बहुसंख्य मुस्लिम समाज बांधव उपस्थित होते. या रक्तदान शिबिरास अक्षय ब्लड बँक सोलापूर यांचे माळशिरस प्रतिनिधी श्री.वाघमोडे व इतर प्रतिनिधींचे विशेष सहकार्य लाभले.